(ВИДЕО) ЗА ТАТКОВИНАТА СМЕ СПРЕМНИ Хрватски пратеник го кажа усташкиот поздрав противејќи се на новите предложени казни
Дали сакате да го забраните поздравот? Повторувам: За домот сме спремни, извика Буљ, пензиониран офицер.
Предлог на хрватската Владаз за измената на законот за прекршоци против јавниот ред и мир денеска предизвика жестока расправа во Собранието. Јутарни Лист неодамна објави дека се предвидуваат казни до 4.000 евра за извикување на усташки поздрав или прикажување фашистички симболи, што е зголемување од 23 пати од досегашната казна од 70 евра.
– Погледнете колкумина од вас се собраа да го протуркаат вербалниот деликт. Кој ќе суди што е лажна вест? Го наметнавте ова и најдовте модел како да ги казните луѓето кои се бореа во ХОС(Хрватските одбранбени сили) и кои легитимно поздравуваат со поздравот „За домот сме спремни“ – рече пратеникот Мирослав Буљ, градоначалник на Сиња и пензиониран офицер.
Зборуваше и пратеникот Милорад Пуповац.
– Извикувањето на усташкиот криминален поздрав „За домот сме спремни“ за време на дискусијата во Собранието, како што тоа го направи пратеникот Буљ пред неколку минути, е сериозна навреда и повик на омраза и насилство – рече Пуповац.
Пратеникот Буљ по четири опомени од собраинскиот спикер на крајот беше исклучен од седницата.
4.000 ЕВРА КАЗНА АКО ИЗВИКАТЕ УСТАШКИ ПОЗДРАВ Хрватска драстично ги зголеми глобите за фашизам