Вчера биле казнети 268 несовесни возачи во Скопје
Министерството за внатрешни работи во текот на вчерашниот ден продолжи со засилените акциски контроли во областа на сообраќајот.
Можеби ќе ве интересира
– Само на територијата на град Скопје изречени се вкупно 268 мерки, меѓу кои 36 за возење без возачка дозвола, 28 санкции за нерегистрирани возила, 16 мерки за возење под дејство на алкохол, 12 за незастанување на затворен семафор (црвено светло), 21 мерка за некористење на сигурносен појас, а изречени се и 54 мерки за непрописно паркирани возила – се вели во соопштението од МВР.
Оттаму додаваат дека и во следниот период министерството ќе продолжи со засилена контрола на сите учесници во сообраќајот во Град Скопје, па поради тоа апелираат граѓаните да ги почитуваат правилата и прописите.