ВАЖНО Е КОЈ СТОИ ЗАД НАПАДОТ НА ИБАР-ЛЕПЕНЕЦ, А НЕ КОЈ Е СТОРИТЕЛОТ Вучиќ негира дека Србија е поврзана со експлозијата во каналот
Според српскиот претседател, доколку нападот го извршил некој од српска националност, а е на територијата што е под ефективна контрола на Србија, во истата секунда ќе биде казнет, но, нагласи, дека нема такви сознанија.
Српскиот претседател Александар Вучиќ денеска изјави дека несомнено е оти Белград и Србија не се поврзани со експлозијата на каналот Ибар-Лепенец кај Зубин Поток и оти косовскиот премиер Албин Курти имал најмногу причини тоа да се случи.
– Нема докази дека Србија е поврзана, дури ни шпекулации. Најважно е истрагата да продолжи. Ќе почекаме, но нема да ја оставиме оваа тема – изјави Вучиќ.
Тој посочи дека најважно е да се утврди кој стои зад тоа, а најмалку кој е сторителот.
– Подготвени сме за целосна соработка во спроведувањето на истрагата со сите меѓународни институции, во согласност со Бриселскиот договор, а на одреден начин и со приштинските институции – истакна Вучиќ.
Според него, доколку тоа го извршил некој од српска националност, а е на територијата што е под ефективна контрола на Србија, во истата секунда ќе биде казнет, но, нагласи, дека нема такви сознанија.