УТРЕ И НА КОСОВО ЌЕ ИМА ЛОКАЛНИ ИЗБОРИ Кандидати Срби ќе се тркаат во 11 од општините
Главното внимание на изборите ќе биде насочено кон Албин Курти и неговата партија „Самоопределување“, која победи на парламентарните избори во февруари годинава, освојувајќи повеќе од 50 проценти од гласовите.
Локални избори утре ќе има и кај нашиот сосед Косово, а граѓаните таму ќе избираат градоначалници и советници во 38 општини, од кои во 11 кандидати ќе имаат и Србите, пишува РТВ. Носителот на Српската список, Горан Ракиќ ги повика Србите да излезат да гласаат, откако претходно се сретна со претседателот на Србија, Александар Вучиќ.
Сепак, главното внимание на изборите ќе биде насочено кон Албин Курти и неговата партија „Самоопределување“, која победи на парламентарните избори во февруари годинава, освојувајќи повеќе од 50 проценти од гласовите.
За да гласаат граѓаните на Косово утре ќе треба да обезбедат докази дека се вакцинирани со барем една доза од вакцината или дека се негативни за коронавирусот. На локалните избори ќе учествуваат вкупно 5.364 кандидати, од кои 166 се за градоначалници, а 5.198 се за советници во општинските собранија, наведува Косово онлајн.
Според ЦИК на Косово, утре право на глас имаат 1.885.448 граѓани, а ќе бидат отворени 883 избирачки места со вкупно 2.477 избирачки места.
Локалните избори во Косово и Метохија ќе ги следат 3.352 полицајци и 80 обвинители.