УШТЕ ЕДЕН УДАР ЗА РУСИЈА Силен украински напад на Крим
Во Севастопол одекнале десетина силни експлозии, по ударот избувнал пожар во заливот Козача, каде се наоѓа постојаната база на руската 810-та поморска бригада.
Десетина силни експлозии се слушнале ноќеска во градот Севастопол на полуостровот Крим, јавува Украинска правда. Русите известија дека функционираат системите за противвоздушна одбрана, а Телеграм каналот „Кримски ветер“ објави дека биле погодени неколку цели.
Еден локален жител за украинската јавна телевизија „Суспилне“ изјавил дека прво се слушнале десетина експлозии, а по некое време уште четири. „Кримски ветер“ наведува дека по ударот избувнал пожар во заливот Козача, каде се наоѓа постојаната база на руската 810-та поморска бригада.
#URGENTE ROTURA: Ucrania ha desatado una ola masiva de misiles de crucero Storm Shadow contra Crimea. Se están alcanzando objetivos en toda la península. Las explosiones que se ven en este vídeo tienen lugar en el aeródromo de Belbek.
Vía @UKR_token https://t.co/a3dgF5vEl5 pic.twitter.com/RhEKJDfsSX— the sniper (@thesnip24382774) March 23, 2024
Оттаму додаваат дека кон локацијата се упатиле неколку противпожарни возила и возила на брза помош. Тие нагласуваат дека во близина на Балаклава се случила многу силна експлозија и дека „нешто гори во близина на аеродромот во Симферопол“.
Михаил Развозаев, гувернерот на окупираниот Севастопол назначен од Русите, рече дека тие отфрлаат масовен напад на Севастопол.
„Според прелиминарните информации, соборени се повеќе од 10 проектили. Ракетниот напад продолжува“ – напиша Развозаев.