📽️ УКРАИНСКАТА ОДМАЗДА СТИГНА ДО САНКТ ПЕТЕРБУРГ Голема топка од чад над клучен нафтен терминал
Само ден по разорниот руски напад врз украинските градови, дронови погодија стратешки цели длабоко на руска територија.
Густ црн чад се издигал над Санкт Петербург, додека руските власти пријавувале нов бран напади со дронови. Украинскиот напад се случи како одговор на масовните руски ракетирања врз Киев и неколку градови само ден претходно.
Хаотичните снимки од нафтен терминал кој гори го обиколија интернетот. Аеродромот Пулково привремено ги стопирал летовите.
Нападот доаѓа во време кога е во тек големиот економски форум во Санкт Петербург. На форумот традиционално учествува и рускиот претседател Владимир Путин.
Едно од најважните складишта на Русија
Жители на градот објавија видеа и фотографии на кои се гледа густ чад над пристанишната зона.
Според независни руски извори, беспилотни летала погодиле нафтен терминал во Финскиот Залив, еден од најважните објекти за складирање и извоз на гориво во Русија.
Засега не е познато колкава е штетата.
Гувернерот на Ленинградската област потврди дека над регионот биле соборени десетици дронови.
A strike hit one of Russia’s largest oil terminals in St. Petersburg just hours before the St. Petersburg International Economic Forum begins. pic.twitter.com/VlwWFl7FrY
— Clash Report (@clashreport) June 3, 2026
Цел била и фабрика што произведува делови за ракети
Нападите не завршиле во Санкт Петербург. Во градот Мичуринск, во Тамбовската област, избувнал пожар во фабриката „Прогрес“, која произведува високотехнолошки системи за руската одбранбена индустрија.
Според украински и независни руски извори, објектот бил погоден од дронови во текот на ноќта.
Фабриката произведува компоненти за крстосувачки ракети што Русија ги користи во војната против Украина.
Москва тврди дека соборила десетици дронови
Руските власти соопштија дека противвоздушната одбрана пресретнала повеќе беспилотни летала над неколку региони.
Напади биле пријавени и во близина на Москва, како и во Тамбовската област.
Според официјалните информации, нема жртви.
Новата украинска операција следува само еден ден по големиот руски напад врз Киев, Днепар и други украински градови. Во тие напади загинаа десетици луѓе, меѓу нив и деца, додека спасувачките екипи и понатаму расчистуваат урнатини.