Трамп: За мене е неприфатлив одговорот на Фаучи за опасноста од брзо отворање на економијата

Американскиот претседател Доналд Трамп изјави синоќа дека е изненаден од предупредувањето на главниот американски епидемиолог Ентони Фаучи дека е опасно да дојде до брзо отворање на американската економија.

– За мене тоа е неприфатлив одговор – им изјави Трамп на новинарите во Белата куќа, по повод предупредувањето што Фаучи во вторникот го искажа во американскиот Сенат, пренесуваат британските медиуми.