ТРАМП Ѝ ПОСТАВИ УЛТИМАТУМ НА ЕВРОПА ЗА ОРМУСКИОТ ТЕСНЕЦ Испратете воени бродови во следните денови
По средбата со американскиот претседател Доналд Трамп, генералниот секретар на НАТО, Марк Руте ги информираше европските влади дека Трамп очекува конкретни ветувања дека ќе испратат воени бродови или други воени капацитети во теснецот во следните неколку дена, а политичките ветувања веќе не се доволни, пишува Шпигел.
САД го зголемуваат притисокот врз европските сојузници воено да се ангажираат во Ормускиот Теснец.
Генералниот секретар на НАТО, Марк Руте, ги информираше европските влади дека американскиот претседател Доналд Трамп очекува конкретни ветувања дека ќе испратат воени бродови или други воени капацитети во следните неколку дена. Политичките ветувања, како оние дадени од почетокот на војната, веќе не се доволни, пишува Шпигел.
Бројни европски дипломати, кои беа информирани за сè по вчерашната средбата на генералниот секретар на НАТО со претседателот Трамп, го опишуваат неговото барање како ултиматум.
Берлин сигнализираше во последните денови дека е подготвен за заедничка мисија во стратешкиот теснец, но германската влада поставува услови за ова, како што се силен мандат на ОН и трајно примирје или договорено примирје.
Покрај барањата поврзани со Ормускиот Теснец, Трамп врши притисок врз партнерите од НАТО со други закани. Според извештаите на американските медиуми, се составува список на европски членки на Алијансата кои ја поддржаа војната против Иран и оние кои се спротивставија на неа. Се тврди дека Трамп има намера да ги повлече американските трупи од земјите кои се покажаа како несоработувачки.
Фокусот наводно е на Шпанија, чија влада дури и им ги одби правата за прелет на американските воздухопловни сили за борбени авиони и за воздушни танкери.
Од друга страна, Германија не воведе никакви ограничувања за користењето на големи американски бази на нејзина територија од страна на САД, но и покрај ова, Трамп ја етикетира и германската влада како противник на војната, првенствено поради нејзината изјава дека воената кампања „не е наша војна“.
Од друга страна, министерот за надворешни работи на Франција Жан-Ноел Баро денеска потврди дека европските и другите партнери ги финализираат плановите за поставување мисија за следење на бродовите низ Ормускиот Теснец откако борбите целосно ќе завршат.
– Моментно се финализира планирањето меѓу француските воени претставници и земјите што се пријавиле како доброволци. Договорите се во завршна фаза, така што мисијата може да почне штом мирот целосно ќе се воспостави – вели Баро.
Францускиот претседател Емануел Макрон најави дека 15 земји се подготвени да учествуваат во таква мисија.