🎥ТРАМП ПО ВТОР ПАТ ЈА ОБВИНИ УКРАИНА ЗА ВИСОКИТЕ ЦЕНИ НА ДИЗЕЛОТ Американскиот претседател ја коментираше и најавата за забрана за извоз на дизел од САД

Американскиот претседател Доналд Трамп повторно ги обвини украинските напади врз руските рафинерии за нафта за зголемувањето на цените на дизелот во САД, тврдејќи дека прекините во производството на руско гориво се поголем фактор од војната на Блискиот Исток.

Трамп рече дека евентуалната забрана за извоз на дизел од САД би можела да ги намали домашните цени на дизелот, иако предупреди дека тоа би имало негативно влијание и врз цените на бензинот.

– Знаете, дизелот е многу повеќе погоден, не поради ситуацијата на Блискиот Исток, туку поради она што се случува во Русија, бидејќи тие рафинерии за дизел се уништуваат со прилично алармантна брзина. И да не се случеше тоа, немаше да имаме проблем со дизелот. Она што се случува меѓу Русија и Украина е навистина најголемиот проблем кога станува збор за дизелот -рече Трамп.

Американскиот секретар за енергетика Крис Рајт понуди пошироко објаснување за падот на достапноста на дизел, укажувајќи на нарушувања во неколку главни региони што го извезуваат горивото.

– Изгубивме дел од нашиот извоз на дизел од Блискиот Исток, иако сега го обновуваме, а го изгубивме и нашиот извоз на дизел од Кина. Значи, тоа се големи нарушувања – рече Рајт.

Тој додаде дека администрацијата очекува европските земји наскоро да објават дополнителни количини на дизел за извоз.

Q: Have you decided to ban diesel exports?

Trump: I think we’re in a good place because oil prices are going to start to come down. Tremendous oil is coming out of the Hormuz Strait now. We’re literally running it. Diesel is really hurt much more not by the Middle East but by… pic.twitter.com/5VsaX4XoGi

— Acyn (@Acyn) September 30, 2026

Цените на бензинот во САД се зголемиле за повеќе од 40% во текот на изминатата година, додека цената на дизелот достигна рекордни 6,53 долари за галон пред една недела, според податоците од Американската автомобилска асоцијација (AAA).

Зголемувањето на цените во голема мера се должи на комбинација од намалена понуда поврзана со војната со Иран и нарушувања во рафинериите, вклучувајќи ги и оние предизвикани од украинските напади врз руските енергетски постројки.

Прашањето има и политичко значење во САД, каде што администрацијата на Трамп и републиканските кандидати се соочуваат со притисок да ги намалат трошоците за гориво пред ноемвриските конгресни избори, додека јавните оценки на Трамп за неговите економски перформанси остануваат под притисок.

И во септември Трамп го повика украински претседател Володимир Зеленски, да престане да ја напаѓа руската енергетска индустрија, тврдејќи дека украинските напади врз руските рафинерии за нафта ги зголемуваат цените на дизелот во САД.

Трамп рече дека нападите со беспилотни летала на Украина врз руските рафинерии се главната причина за скокот на глобалните цени на дизелот и го повика Зеленски да ги прекине нападите.

Изјавите на Трамп следеа по рекорден месец украински напади врз енергетскиот сектор на Русија. Во август 2026 година, украински беспилотни летала нападнаа 21 руска рафинерија за нафта – рекорд во воено време, според националната база на податоци на Украина за напади со долг дострел DeepStrike UA и статистиката за напади објавена од украинските Сили за беспилотни системи (USF).

Сепак, аналитичарите на енергетската индустрија посочија други фактори како главни двигатели на глобалниот пораст на цените на суровата нафта и рафинираното гориво. Американско-израелската војна со Иран го доведе извозот на танкери за нафта преку Ормускиот Проток до речиси застој, додека влошувањето на нарушувањата во Црвеното Море, откако Хутите го зазедоа теснецот Баб ел-Мандеб, дополнително го ограничи поморскиот сообраќај на танкери.