ТОРЕЦК ПОД ГРАНАТИ Шест лица загинаа, напади имало и во Миколаев, Харков и Дњепропетровск
Покрај Донбас што е во фокусот на руската офанзива, утринава артилериски напади имало и во Миколаев на југот на земјата, во областите Харков на североисток и Дњепропетровск во централно-источниот дел. Две лица загинаа во последните 24 часа во руското гранатирање на областа Харков, напиша регионалниот гувернер, Олег Синегубов.
Шест лица загинаа во руското гранатирање на Торецк, град во источниот украински регион Донбас, соопшти денеска Украинската државна служба за вонредни состојби.
„Една зграда е уништена од граната во Торецк, во напад извршен претпладнето. Спасувачите извлекле пет тела, се вели во соопштението на Службата објавено на Фејсбук проследено со фотографија од урнатините.
Од остатоците на зградата биле извлечени три лица, од кои едното починало во болница.
Dzerzhinsk (Toretsk) was attacked by the Russia the morning.pic.twitter.com/OH02J5wW7D
— Altavista 🇪🇺🇺🇦 (@na_intel) July 18, 2022
Покрај Донбас што е во фокусот на руската офанзива, утринава артилериски напади имало и во Миколаев на југот на земјата, во областите Харков на североисток и Дњепропетровск во централно-источниот дел.
„Миколаев беше ракетиран ноќеска“, изјави регионалниот гувернер Виталиј Ким на Телеграм.
In the morning the russians shelled Toretsk, Donetsk region. pic.twitter.com/ur9Kv3XNBZ
— ТРУХА⚡️English (@TpyxaNews) July 18, 2022
Како што вели, погодени биле автосалон и центар за продажба на земјоделска механизација. Според првичните информации во нападите нема жртви.
„Две лица загинаа во последните 24 часа во руското гранатирање на областа Харков“, напиша регионалниот гувернер, Олег Синегубов.
Во областа Дњепропетровск, Русите синоќа неколку пати го нападнале Никопол, се наведува во утринскиот извештај на украинското претседателство. Притоа е рането едно лице и пренесено во болница, уништени се десетина објекти, а оштетени се болница, две локални фабрики и пристаништето.