ТЕМПЕРАТУРИ ДО 36 СТЕПЕНИ, НО И ГРМЕЖИ ПОПЛАДНЕ До крајот на седмицата можни се локални невремиња

Времето во среда, 8 јули, ќе бидее променливо облачно со сончеви периоди. Попладне ќе има локална појава на нестабилност со пороен дожд и грмежи. Ќе дува слаб до умерен ветер од северозападен правец, кој наместа долж Повардарието повремено ќе засилува.

Во Скопје времето ќе биде променливо облачно со сончеви периоди. Попладне во делови од котлината ќе има услови за нестабилност со пороен дожд и грмежи. Ќе дува слаб до умерен ветер од северозападен правец.

Tемпературите ќе бидат во интервал од 12 до 36 степени.

Следува период на претежно стабилно време. Ќе дува умерен, наместа повремено засилен северен ветер. Во четврток и во недела се очекува локална појава на нестабилност со пороен дожд, грмежи и засилен ветер.