Во периодот од 1 јуни до 31 август 2026 година, на територијата на Македонија се регистрирани вкупно 1.696 пожари на отворен простор, информира директорот на Центарот за управување со кризи (ЦУК), Мухамед Али.

Од вкупниот број, 69 биле шумски пожари, додека најголемиот дел, односно 1.627 пожари, биле регистрирани на висока сува трева, стрништа, нискостеблеста деградирана шума и ѓубришта, односно депонии.

Од ЦУК посочуваат дека во текот на трите месеци континуирано ја следеле состојбата со пожарите и ја координирале работата на надлежните институции и расположливите ресурси.

– Во наведениот период, Центарот за управување со кризи континуирано ја следеше состојбата со пожарите и вршеше координација со надлежните институции и расположливите ресурси, со цел навремено справување со пожарите, спречување на нивното ширење и заштита на населението и материјалните добра – посочува директорот на ЦУК, Мухамед Али.

Тој упатува апел до граѓаните да бидат особено внимателни и одговорни, бидејќи невнимателното постапување може да предизвика пожар кој брзо може да се прошири.

– Апелирам до граѓаните на максимална внимателност и одговорност и на доследно почитување на мерките за заштита од пожари. Да не се пали оган на отворен простор, да не се фрлаат отпушоци и запалив отпад во природата, а секое забележано чадење или пожар веднаш да се пријави на единствениот број за итни случаи 112 – порача Али.

Бројката од 1.696 регистрирани пожари за само три месеци покажува дека опасноста од пожари на отворен простор останува сериозен предизвик, особено во сушниот период од годината.

Надлежните институции повторно апелираат граѓаните да не палат оган на отворено и секое забележано чадење или пожар веднаш да го пријават на 112.

The post ЗЕМЈАВА ГОРЕШЕ ЦЕЛО ЛЕТО, РЕЧИСИ 1.700 ПОЖАРИ ЗА 3 МЕСЕЦИ Најмногу гореле сува трева, стрништа и депонии appeared first on plusinfo.mk.

Вкупно 31 пожар на отворен простор се регистрирани на територијата на Македонија во периодот од 26 до 27 август до 07:30 часот, информира Центарот за управување со кризи. Од нив, четири се активни, три се ставени под контрола, а 24 се изгаснати.

Најсериозна е состојбата на подрачјето на општините Студеничани и Зелениково, каде што пожарот се шири од селото Моране кон Вртекица и Рамни Габер, како и по кракот кон Палиград. Огнот зафатил и простор над селата Вражале и Тисовица, а гори мешана шума.

Активен е и пожарот во село Трново, Општина Гостивар, кој се шири кон селата Битово, Заград и Страјане на територијата на Општина Македонски Брод. Таму гори нискостеблеста шума, ниска вегетација, пасишта и папрат.

Пожар е активен и над село Нежилово во Општина Чашка, во месноста Сватови, каде што се зафатени ниска вегетација и смреки.

Четвртиот активен пожар е во село Франгово, Општина Струга, каде што гори нискостеблеста шума и ниска вегетација.

Под контрола се три пожари. Во село Тајмиште, Општина Кичево, во месноста Дарда, пожарот зафатил високостеблеста букова шума. Пожар има и на депонијата во Делчево, каде што гори ѓубре, додека трет пожар под контрола е регистриран во село Стрмница, Општина Брвеница.

Во меѓувреме, изгаснати се 24 пожари на различни локации низ земјата.

Во Општина Желино се изгаснати пожари во селото Желино, каде што гореле ниска вегетација, меѓи и грмушки, како и во село Стримница, каде што била зафатена ниска вегетација.

Во Општина Теарце се изгаснати пожари во село Одри, каде што горела ниска вегетација, како и два пожари во село Непроштен – едниот со зафатена ниска вегетација, а другиот со горење ѓубре.

На подрачјето на Општина Македонски Брод, пожарот меѓу резерватот „Јасен“ и село Брезница бил изгаснат, а гореле ниска вегетација и борова шума. Во село Зајас, Општина Кичево, бил изгаснат пожар во ниска вегетација.

Во Општина Делчево биле изгаснати пожари во село Ветрен, во месноста Црквенец, каде што гореле ниска вегетација и мешана шума, како и во село Бигла, каде што било зафатено одложено количество кожа во кожарата „Годел“.

Во село Виничани, Општина Градско, бил изгаснат пожар во ниска вегетација, додека во село Форино, Општина Гостивар, огнот зафатил ниска вегетација.

Во Општина Росоман се изгаснати два пожари – во село Манастирец, каде што гореле лозови и овошни насади, и во село Росоман, каде што била зафатена ниска вегетација.

Во Општина Босилово се изгаснати два пожари. Едниот бил меѓу селата Моноспитово и Муртино, а другиот меѓу Моноспитово и Дабил. На двете локации гореле ниска вегетација и трска. Пожар во село Арачиново бил изгаснат откако огнот зафатил ниска вегетација и дрва.

На подрачјето на Општина Карпош, на улицата Скупи, бил изгаснат пожар во ниска вегетација. Во парк-шумата Гази Баба бил изгаснат пожар во мешана шума и ниска вегетација. Во село Куклиш, Општина Струмица, бил изгаснат пожар на депонија.

На градската депонија „Мелци“ во Кавадарци бил изгаснат пожар во кој горело ѓубре. Во Општина Берово, во близина на Вила Иван кај Беровското Езеро, бил изгаснат пожар во ниска вегетација.

Во Општина Куманово, пожарот меѓу селата Лопате и Љубодраг, кој зафатил ниска вегетација, бил изгаснат. Пожар во улицата Гарсија Лорка во Шуто Оризари, каде што горело ѓубре, исто така бил изгаснат.

Последниот од 24-те изгаснати пожари бил регистриран во село Дихово, Општина Битола, каде што огнот зафатил ниска вегетација и ѓубре.

Од ЦУК продолжуваат да ги следат состојбите со активните пожари и состојбата на теренот, а надлежните служби остануваат ангажирани таму каде што огнот сè уште не е целосно ставен под контрола.

The post ОГНОТ НЕ ПОПУШТА ВО ПОВЕЌЕ ДЕЛОВИ ОД МАКЕДОНИЈА Четири пожари остануваат активни appeared first on plusinfo.mk.

Заменик-директорот на ЈП „Национални шуми“, Кире Михаилов во објава на социјалните мрежи ги окарактеризира како тероризам случувањата на планината Китка, каде веќе десетина дена има пожар.

„Почитувани, јавноста мора да знае одредени факти за пожарот кој веќе десетина дена беснее на планината Китка. Тоа е пожарот кој најпрво започна на територијата на општина Студеничани од каде за неколку дена се префрли и на територија на општина Зелениково и се разви во голем сериозен пожар ширејќи се на места кои буквално се недостапни за човечка нога. Тоа се места кои посебно во вакви вонредни ситуации многу лесно можат човечките животи да ги донесат во сериозна животна опасност. Од друга страна, пожарот кој надојде од велешко Сл’п се движеше во правец на токму на овој пожар. Во изминативе денови, сведоци сме на повеќе нови потпалувања на линијата помеѓу двата пожара, а како што може да видите на картата, очигледно да се направи една огромна фронтална линија. Пред неколку дена кога со вложени максимални натчовечки напори и целосно се изгасна пожарот во велешко, наредниот ден имаше обид за негово повторно воскреснување, но, добрата координација на сите служби го спречи тоа“, напиша тој.

Како што нагласува Михаилов, шестиот ден, доцна во ноќта имало појава на нов пожар во правец над Градовци во близина на веќе постоечкииот пожар, но, екипите од ЈП „Македонски Шуми” повторно иако ноќе, го средиле.

„Неколку дена после тоа, или поточно во четвртокот на 20 август во раните утрински часови повторно на неколку нови точки сериозно ни го проширија овој пожар на планината Китка, ШСЕ Китка, поточно во оддел 17 во место викано Попово Гумно, на непристапен терен сакајќи да предизвикаат опасност да премине према селото Тисовица каде теренот е уште погуст, див и непрооден. Но, со натчовечки напори, се реши и оваа состојба и во текот на ноќта беше решена и оваа сериозно нова лоша ситуација. И тука не застана приказната луѓе. Во петок, завчера, затоа што видоа или виде дека има доста присуство на терен, воздухоплови и дронови, не запалија ноќта, некаде после 21 часот. Во рок од еден час, во петокот од 21 до 22 часот се појавија три нови пожари и тоа првиот на патот од село Добрино, место викано Маларека. Вториот пожар се појави на патот помеѓу селото Страхојадица и селото Тисовица кај место викано Бабин дол, повторно запален на истиот патен правец на работ на самиот пат. Третиот последователен пожар таа ноќ ни го запалија повторно на патот помеѓу селата Страхојадица и селото Тисовица, на место викано Грнчарица, повторно во атарот на село Градовци, општина Зелениково како пред неколку дена“, дополнува Михаилов.

Михаилов посочува дека на сите три нови запалени точки, до доцна во ноќта делувале  вработените од подрачното шумско стопанство Караџица, градоначалникот на Зелениково со неколку луѓе и противпожарното возило на општина Зелениково како и ТППЕ Драчево.

„И така, тие постојано си палат, а ние постојано и сè уште си гасиме. Дефинитивно некој таму сака или да ни изгоре некое село или да отиде што поголема шумска површина, не знам што им е целта. И покрај тоа што секојдневно таму делуваат авионите и хеликоптерите од воздух и пешадијата каде што може на терен, со ваков интензитет на често ново разгорување на линијата не може лесно да го решиме овој пожар и наизменично повеќе населени места ни се во опасност, па ги браниме. Опасноста покрај Рамни Габер помина, но, вчера и денеска ни е во сериозна опасност населеното место Палиград. И никако херметички во вистинска смисла не може да го затвориме овој предел затоа што има доста ридски планински населени места кои се живи, а има и доста граѓани кои имаат најразлични други имоти таму и не можеме целосно да им го ограничиме движењето. Но, мораме дефинитивно да најдеме начин овие будали некако да ги застанеме“, вели Михаилов во објавата на Фејсбук.

The post КОЈ ЈА „ТЕРОРИЗИРА“ ПЛАНИНАТА КИТКА СО ПОЖАРИ? Заменик-директорот на Национални шуми вели дека жариштата постојано „воскреснуваат“ appeared first on plusinfo.mk.

Најсериозна е состојбата во Студеничани и Зелениково, Македонски Брод и Кичево, каде пожарите зафаќаат мешана, нискостеблеста и букова шума

Вкупно 33 пожари на отворен простор се регистрирани во периодот од 23 до 24 август, до 7:30 часот, информира Центарот за управување со кризи (ЦУК). Од нив, четири се активни, четири се ставени под контрола, а 25 се изгаснати.

Најсериозна е состојбата во подрачјата каде пожарите зафаќаат шумски површини.

Во општините Студеничани и Зелениково, пожарот се шири на потегот од селата Моране, Вртекица и Рамни Габер, како и на кракот кон село Палиград и над село Вражале. Зафатена е мешана шума.

Активен пожар има и во општина Македонски Брод, во месноста Видуш, кај селата Драгов Дол и Локвица, каде гори ниска вегетација, нискостеблеста шума и грмушки.

Во општина Кичево, активен е пожарот во атарот на село Тајмиште, во месноста Дарда, каде што гори високостеблеста букова шума.

Пожар е активен и во општина Гостивар, во близина на село Горна Ѓоновица, каде е зафатена ниска вегетација.

Под контрола се ставени уште четири пожари.

Во општина Илинден, кај село Илинден, горела ниска вегетација и стрниште. Во Делчево, кај село Бигла, пожарот зафатил борова шума.

Пожар под контрола има и во село Туденце, општина Јегуновце, каде горела ниска вегетација, како и во подрачјето на селата Ломница и Ѓерѓевиште во општина Врапчиште, каде пожарот зафатил мешана шума.

Во текот на изминатиот период биле изгаснати 25 пожари на повеќе локации низ државата.

Во Студеничани, пожарот кај Цветово, на стариот пат кон Елово, зафатил ниска вегетација и ниска шума. Во Бутел, кај Визбегово, горел опожарен отпаден материјал. На подрачјето на Петровец, во атарите на Горно Коњаре, Вице и Сушица, биле зафатени нискостеблеста шума и ниска вегетација.

Во Берово биле регистрирани два пожара – во месноста Маначија, каде горела ниска вегетација, и кај село Црник, во месноста Обајата, каде бил зафатен дел од борова шума.

Во Кичево пожарите кај Колари и Зајас зафатиле стрништа и нискостеблеста шума, односно стрниште.

Пожар бил изгаснат и во Струшко Поле, каде горела ниска вегетација, како и во Битола, на обиколницата кај тунелот.

Во Прилепско биле изгаснати пожари кај селата Веселчани, Бонче и Лопатица, при што гореле ниска вегетација, сува трева и нискостеблести растенија.

Во Кривогаштани, во атарите на Подвис и Локвени, пожарот зафатил ниска вегетација и стрниште.

Пожар бил изгаснат и во Сирково, општина Росоман, каде гореле ниска вегетација, трње и суви лозови гранки.

Во Велес, во населбата Речани, бил регистриран пожар на ниска вегетација.

Во тетовскиот регион, изгаснати се пожари во Слатино, Теарце, Тетово, Стримница и Церово, како и во Копанце и Туденце. Во Теарце горела и депонија.

Пожари биле изгаснати и во селата Церово и Церово во општините Желино и Врапчиште, каде биле зафатени шумски површини.

Во Липково, изгаснати се пожари кај Ропалце и Матејче, каде горела ниска вегетација.

Особено сериозна била ситуацијата во кумановското село Винице, каде пожарот зафатил ниска вегетација, шума и објекти – куќи. Пожарот е изгаснат.

ЦУК продолжува да ја следи состојбата на терен, додека надлежните служби интервенираат таму каде што пожарите сè уште се активни.

The post ЧЕТИРИ ПОЖАРИ НЕ СЕ ПОД КОНТРОЛА Горат шуми во Кичево, Македонски Брод и Скопско appeared first on plusinfo.mk.

Речиси целата територија на Македонија е во зона со висок метеоролошки индекс на опасност од пожари, поради што постои зголемен ризик од појава и брзо ширење на пожари на отворен простор и шумски пожари со висок интензитет, предупредува Центарот за управување со кризи (ЦУК).

Според метеоролошкиот индекс на пожар, најголемиот дел од земјата е означен со портокалова боја, односно зона со висок ризик.

Исклучок се Шар Планина и околината на Охрид и Ресен, каде е регистриран среден метеоролошки индекс на пожар, означен со жолта боја.

Директорот на ЦУК, Мухамед Али, апелира до граѓаните да бидат особено внимателни и одговорни, особено при престој и движење во природа.

– Поради ваквите временски услови, постои висок ризик од појава и ширење на пожари на отворен простор и шумски пожари со висок интензитет на целата територија на Република Северна Македонија. Апелираме до граѓаните на максимална внимателност и одговорно однесување и да не се користи оган на отворен простор – порача Али.

Од ЦУК потсетуваат дека секое забележано пожарно огниште треба веднаш да се пријави на бројот 112, со цел надлежните служби навреме да реагираат и да се спречи понатамошно ширење на огнот.

Особено внимание се препорачува при движење низ шумски и тревни предели, каде сувата вегетација и временските услови можат значително да го забрзаат ширењето на пожарите.

The post ПОРТОКАЛОВ АЛАРМ ЗА ПОЖАРИ ВО РЕЧИСИ ЦЕЛА МАКЕДОНИЈА Апел до граѓаните да не палат оган на отворено appeared first on plusinfo.mk.

Шефот на Дирекцијата за спасување Стојанче Ангелов испрати порака до граѓаните да бидат внимателни со престојот во природа во период кога и мала искра може да предизвика пожар.

Ангелов даде изјава покрај скара оставена во природа, апелирајќи граѓаните да ги послушаат неговите бројни повици за претпазливост:

– Секојдневно повикувам, секојдневно предупредувам, секојдневно молам. Ги молам граѓаните да бидат внимателни со своето поведение, да не предизвикаат пожар. Секој ден нагласувам дека е доволна само искра за катастрофа – изјави Ангелов.

Покажувајќи на оставената скара тој додаде:

– Овде покрај реката Треска, во нејзина непосредна близина, гледаме огниште за скара. Погледнете го ова. Погледнете ја оваа сува трева. Погледнете го овој куп суви гранки коишто директно водат кон блиската шума. Ова е рецепт за катастрофа! Дали треба да се запали оваа преубава шума за на некој да му проработи совеста?

Според Ангелов, се работи за крајно несовесно однесување.

– Крајно сум разочаран на сите повици коишто ги упатуваме. Затоа уште еднаш ве молам, не палете оган во текот на летото. Доволно е само искра…Дали треба да се запали оваа преубава шума за некој да му проработи совеста? Ова е крајно несовесно однесување.

The post 📽️ И МАЛА ИСКРА МОЖЕ ДА Е РЕЦЕПТ ЗА КАТАСТРОФАЛЕН ПОЖАР Ангелов покажа на оставена скара покрај Треска appeared first on plusinfo.mk.

Директорот на Дирекцијата за заштита и спасување Стојанче Ангелов вечерва изјави дека пожарот во атарот на селото Рамни Габер во Општина Студеничани е сè уште активен и оти линијата на огнот е доста долга. Гасењето на пожарот ќе продолжи утре рано наутро.

Директорот на Центарот за управување со кризи (ЦУК) Мухамед Али и додаде дека противпожарните екипи ќе останат на терен во текот на целата ноќ со цел да го заштитат селото и околните населени места.

– За жал, пожарот ќе продолжи да гори и во текот на ноќта. Линијата на огнот е доста долга. Во текот на денот дејствуваа три ер трактори. Значително го успорија но истиот не е изгаснат. Овде на лице место дејствуваа припадници на скопската Бригада за протипожарна заштита, поддржани од тимови на Дирекцијата со четири Пинцгауери – рече Ангелов.

Акцијата на гаснење на овој пожар, како што најави тој, ќе продолжи рано наутро со пешадија, а подоцна ќе се приклучат и трите ер трактори на Дирекцијата за заштита и спасување.

До 17 часот денеска во земјава имаше 21 пожар, што е рекорд за ова лето.

Состојбата со пожарите на отворен простор денеска значително се влоши. Попладнево имавме најмалку 21 пожар на отворен простор од кои поголем дел во моментов се активни, оцени попладнево директорот на Дирекцијата за заштита и спасување (ДЗС) Стојанче Ангелов.

Тој како еден од пожарите кои се тешки за гасење го издвои пожарот на територијата на општината Македонски Брод во местото викано Видуш во близина на село Драгов.

– Утре наутро таму упатуваме модул на ДЗС составен од доброволни пожарникари кои имаат специјална обука за гасење на шумски пожари, изјави Ангелов и додаде дека со пожарот не е зафатена квалитетна шума, туку гори карпест предел со грмушки, трње и сува трева на терен кој е исклучително тежок за движење.

Тешки пожари, како што кажа, има и на територијата на општина Студеничани над село Моране, каде дејствуват три „ер трактори“ кои се уште се на терен. На местото на настанот се и скопските пожарникари со поддршка на четири тимови на ДЗС со пинцгауери.

– Активен пожар има и на територијата на општина Зелениково над село Страхојадица кеде и пред неколку години имаше тежок пожар. Тежок пожар имаме и во општина Кичево над село Манастирско Долненци што се заканува на локалниот манастир. Верувам дека локалните пожарникари ќе успеат да го спречат огнот да го зафати манаситрот. Таму утре изутрина ќе упатиме дополнително заислување – посочи Ангелов.

Нагласи дека е многу лоша и состојбата во Полошкиот Регион каде, како што рече, има информации за намерно подметнати повеќе пожари.

– Еден од пожарите се наоѓа на територијата на општина Јегуновце во атарот на село Копанце каде гори шума и ниска вегетација. Вториот е на територијата на општина Тетово во атарот на село Џепчиште каде гори ниска вегетација. Третиот е на територијата на општина Теарце во атарот на село Пршовце каде гори ниска вегетација. Четвртиот е во општина Желино, село Чифлик каде гори ниска вегетација и мешана шума – прецизира Ангелов.

Активни пожари, додаде, има и на територијата на општина Прилеп кај село Тополчани каде гори ниска и висока вегетација, на тетриторијата на општина Новаци кај село Маково, тетиоријата на општина Штип кај село Врсаково, и на тетиоријата на општина Битола кај село Драгош.

– Има и други активни пожари. Затоа апелирам до граѓаните да бидат исклучително внимателни. Температурите се високи, влажноста на воздухот е ниска со што се исполнети сите услви за појава на пожар. За жал имаме и несовесни граѓани, но и злонамерни граѓани кои во текот на денот се детектирани што значи дека повеќе пожари злонамерно се предизвикани од страна на неколу граѓани – рече Ангелов.

The post УШТЕ ГОРИ КАЈ РАМНИ ГАБЕР ВО СТУДЕНИЧАНИ, ЕКИПИТЕ ЌЕ ОСТАНАТ ЦЕЛА НОЌ Гаснењето ќе продолжи рано наутро appeared first on plusinfo.mk.

Центарот за управување со кризи (ЦУК) информира дека денеска има рекорден број на пожари за ова лето. До 17 часот регистрирани се 21 активен пожар.

– Службите се максимално ангажирани на терен, со цел справување со пожарите, нивно локализирање и целосно гасење. До 17 часот регистрирани се 21 активен пожар – информира директорот на ЦУК Мухамед Али.

Пожари има во:

1.Општина Македонски Брод  м.в.Видуш во близина на с.Драгов Дол (ниска вегетација, нискостеблеста шума и грмушки);

2.Општина Студеничани над с.Моране, Вртекица и Рамни габер  (мешана шума);

3.Општина Студеничани 2: с.Батинци (ѓурбе);

4.Општина Илинден: нас.Илинден( ниска вегетација);

5.Општина Желино: с.Чифлик (ниска вегетација и мешена шума);

6.Општина Зелениково: с.Строхијадица(шума);

7.Општина Кичево1: с.Осој (плевна);

8.Општина Кичево 2: с.Манастирско Доленци (шума);

9.Општина Дебарца: с. Климештани према с. Ботун (ниска вегетација);

10.Општина Јагуновце: сКопанце (шума, ниска вегетација);

11.Општина Тетово: с.Џепчиште (ниска вегетација);

12.Општина Теарце: с.Пршовце (ниска вегетација);

13.Општина Гостивар: Глоба Балкан Груп – Гостивар (ниска вегетација);

14.Општина Чаир: Специјално Училиште Иднина – Поликлиника Чаир (ниска вегетација);

15.Општина Прилеп: с.Тополчани – кај млинот (висока вегетација);

16.Општина Новаци: с.Маково (ниска вегетација);

17.Општина Штип: с.Врсаково (ниска вегетација);

18.Општина Битола: с.Драгош (ниска вегетација);

19.Општина Центар Жупа: Центар Жупа (нива);

20.Општина Ѓорче Петров: железничката станица во Ѓорче Петров (ниска вегетација);

21. Град Скопје: ул.Гоце Делчев (ниска вегетација).

The post РЕКОРДЕН БРОЈ ПОЖАРИ ВО ЕДЕН ДЕН Регистрирано 21 жариште до 17 часот appeared first on plusinfo.mk.

Пожари на отворено денеска избувнале на 15 локации низ Македонија. До 18 часот 12 биле изгаснати, 1 бил ставен под контрола, а битката со огнот продолжува на 2 места, соопшти Центарот за управување со кризи.

Активен останува пожарот во Општина Македонски Брод. Огнот гори кај месноста Видуш, во близина на селото Драгов Дол.

Таму се зафатени ниска вегетација, нискостеблеста шума и грмушки.

Вториот активен пожар е во Општина Ново Село, на планината Огражден. Кај Ново Село гори депонија, а пламенот зафатил и мешана деградирана шума и ниска вегетација.

Пожарот на градската депонија во Делчево е ставен под контрола, информира ЦУК.

Изгаснати се пожарите кај Блатец во Општина Виница и во населбата Света Петка во Штип. Огнот е изгаснат и кај Горенци во Општина Центар Жупа и кај Бачинци во Општина Кичево.

Интервенциите завршиле и во близина на Филтерната станица за вода во Општина Лозово. Изгаснат е и пожарот во населбата Средорек во Куманово.

На списокот се уште Милетино во Општина Брвеница и Долна Лешница во Општина Желино. Изгаснати се и пожарите кај Слатина во Општина Теарце и во близина на ресторанот Чифлик во Општина Врапчиште.

ЦУК соопшти дека се изгаснати и пожарите кај Трубарево во Општина Гази Баба и кај Долно Свиларе во Општина Сарај.

The post 15 ПОЖАРИ ЗА ЕДЕН ДЕН, 2 СÈ УШТЕ ГОРАТ Огнот активен кај Македонски Брод и на Огражден appeared first on plusinfo.mk.

На Халкидики од денеска стапи на сила забрана за сообраќај и пешачење во одредени шумски подрачја поради висок ризик од шумски пожари.

Мерката ќе важи од 08 до 20 часот и се однесува на подрачјата на општините Касандра, Ситонија и Аристотелис, каде што индексот на опасност од пожари е во категорија 3.

Во периодот додека е на сила забраната, предвидено е и отстранување на возилата и лицата кои ќе бидат затекнати во подрачјата опфатени со мерката.

Локалните власти ги повикаа жителите и посетителите да ја почитуваат забраната и упатствата на надлежните институции.

За прекршување на забраната е предвидена глоба од 300 евра.

The post НОВА ЗАБРАНА НА ХАЛКИДИКИ Казна од 300 евра за сите што нема да ја почитуваат appeared first on plusinfo.mk.