Мобилните уреди значително ги олеснија секојдневните обврски, како плаќањето сметки или договарањето со пријателите. Сепак, оваа практичност има и своја цена. Експертите сè почесто предупредуваат дека прекумерното користење мобилен телефон може негативно да влијае врз телото и умот, а последиците често не се забележуваат сè додека не станат посериозни, пишува  National Library of Medicine.

Несоница

Тешкотиите со заспивањето и неможноста да се опуштите често се поврзуваат со прекумерното користење телефон. Изложеноста на специфичната светлина од екранот може да го наруши природното производство на хормони кои го регулираат биолошкиот часовник. Експертите советуваат уредот да се остави порано и пред спиење да се направи пауза од екранот за полесно да се заспие.

Ширење бактерии

Користењето мобилен телефон на места како тоалети или болници може да доведе до пренесување бактерии на други површини што ги допирате потоа. Затоа се препорачува мобилниот да не се користи во такви средини и редовно да се чисти, бидејќи секојдневно го држиме во раце, што ја прави хигиената поголем предизвик.

Ризик од рак

Според извештај на Си-ен-ен, Светската здравствена организација предупредила на можен ризик од рак поврзан со прекумерната употреба на мобилни уреди. Зрачењето што го емитуваат уредите би можело да придонесе за развој на болести, па затоа се препорачува умерена употреба и избегнување на држење на уредот блиску до главата додека спиете.

Целиот текст прочитајте го ТУКА.

The post НЕ ГО ИСПУШТАТЕ МОБИЛНИОТ ОД РАЦЕ? Експертите предупредуваат на 19 сериозни здравствени последици appeared first on plusinfo.mk.

Постојано гледате во телефонот додека некој ви зборува? Истражување покажува дека „фабингот“ не е само непристоен, туку може да влијае и врз задоволството од љубовната врска и животот

Веројатно барем еднаш сте биле во друштво со човек кој наместо да разговара со вас, постојано гледа во телефонот. Можеби сте го направиле и самите тоа – само набрзина да проверите порака, резултат од натпревар или што се случува во некоја од групите на социјалните мрежи.

За ова однесување веќе постои и посебен термин – „phubbing“, односно комбинација од англиските зборови „phone“ и „snubbing“. На македонски би можело да се опише како игнорирање на соговорникот поради телефонот.

Иако звучи како обична невоспитаност, истражување од 2023 година покажало дека последиците може да бидат многу посериозни, особено кога станува збор за љубовните врски.

Според авторите на истражувањето, „фабингот“ е важен ризик за романтичните односи бидејќи постојаното посветување внимание на паметниот телефон наместо на партнерот го намалува задоволството од врската и перцепцијата за нејзиниот квалитет.

Повеќе за ова прочитајте на порталот „Мајка и дете“.

The post ФAБИНГОТ СТАНУВА НОВА ЕПИДЕМИЈА Оваа навика ја имаме речиси сите, а може да ни ги уништи врските appeared first on plusinfo.mk.

Полицаец во американската сојузна држава Њу Џерси се маскирал во зелена грмушка за да ги открие возачите кои за време на возењето пишуваат пораки, пребаруваат на интернет или разговараат на мобилен телефон.

Полициската управа на Данелен на социјалните мрежи објави фотографии од својата необична „специјална единица“. На нив се гледа полицаец облечен во маскирно одело што наликува на зелена грмушка, со двоглед во рацете.

„Дали денес ја забележавте нашата ‘грмушка’? Ако погледот ви беше насочен кон телефонот, веројатно не сте ја забележале“, напишаа од полицијата.

Како што објаснија, акцијата била спроведена во фреквентен дел од центарот на градот, низ кој секојдневно минува голем број возила и пешаци.

За само шест часа биле изречени 74 казни на возачи кои користеле мобилен телефон додека управувале со возило.

Од полицијата упатија апел до граѓаните да не го користат телефонот додека возат.

„Нека ова ви биде потсетник, пораката или известувањето можат да почекаат. Гледајте го патот, а не во екранот“, порачаа од полицијата.

Според важечките прописи во Њу Џерси, казните за користење мобилен телефон зад волан започнуваат од 200 долари, а за повеќекратни прекршители можат да достигнат и 600 долари.

Возачите кои трипати ќе го повторат истиот прекршок може да останат без возачка дозвола во период до 90 дена.

The post 📽️ „ЖИВА ГРМУШКА“ ДЕМНЕШЕ НЕСОВЕСНИ ВОЗАЧИ Маскиран полицаец напиша 74 казни за шест часа appeared first on plusinfo.mk.

Полицијата почна со примена на новите правила за управување со електрични тротинети, а досега се изречени вкупно 12 парични казни за различни прекршоци.

Новите одредби од Законот за безбедност на сообраќајот на патиштата стапија во сила на 14 јули, со што беа воведени построги правила за лицата што управуваат со електрични тротинети.

Највисоката изречена казна изнесува 100 евра и се однесува на лице кое користело мобилен телефон додека управувало со тротинет.

Три лица биле казнети со по 50 евра поради тоа што возеле без заштитен шлем. Најголем број санкции, вкупно девет, се изречени за движење со електрични тротинети по површини на кои тоа не е дозволено. За овој прекршок казната изнесува 80 евра.

Од Министерството за внатрешни работи информираат дека досега не е одземен ниту еден електричен тротинет. Сите лица на кои им биле изречени казни се полнолетни.

The post 100 ЕВРА КАЗНА АКО ВОЗИТЕ ТРОТИНЕТ И ЗБОРУВАТЕ НА МОБИЛЕН Почна примената на новиот правилник appeared first on plusinfo.mk.

Жена од Скопје пријавила во полиција дека била физички нападната во својот дом од нејзините два сина од претходниот брак, а инцидентот бил сниман со мобилен телефон.

Според информациите од Министерството за внатрешни работи, случајот бил пријавен на 19 јули 2026 година околу 23:40 часот во СВР Скопје.

„Околу 23:00 часот во домот каде што била со нејзиниот 36-годишен партнер и нејзиното малолетно дете, дошле нејзините два сина од претходниот брак и нивните девојки, по што физички ги нападнале, а настанот го снимиле со мобилен телефон. На заминување ѝ го одзеле и мобилниот телефон“, се наведува во полицискиот билтен.

Во моментот на настанот, во домот се наоѓале и нејзиниот партнер и малолетното дете.

Од МВР информираат дека се преземаат мерки за целосно расчистување на случајот и утврдување на сите околности поврзани со пријавениот инцидент.

The post СКОПЈАНКА ТВРДИ ДЕКА БИЛА НАПАДНАТА ОД СВОИТЕ СИНОВИ Насилството било снимано со мобилен телефон appeared first on plusinfo.mk.

Полицијата лиши од слобода 45-годишна жена од Богданци под сомнение дека украла мобилен телефон од вработена во ЈЗУ „Општа болница“ Гевгелија.

Од Министерството за внатрешни работи информираат дека случајот бил пријавен на 17 јули 2026 година, а полициски службеници од СВР Струмица – Одделение за внатрешни работи Гевгелија ја привеле М.П. (45) од Богданци.

Според пријавеното, жената истиот ден околу 10 часот влегла во просторија во гевгелиската болница, од каде го одзела мобилниот телефон, сопственост на една од вработените.

При службениот разговор со полицијата, М.П. го признала делото. Кај неа бил пронајден и одземен телефонот, кој ќе ѝ биде вратен на сопственичката.

За случајот бил известен јавен обвинител од Основното јавно обвинителство Гевгелија. По целосно документирање на настанот, против 45-годишната жена ќе биде поднесена соодветна кривична пријава.

The post ВЛЕГЛА ВО БОЛНИЦА И Ѝ ГО УКРАЛА ТЕЛЕФОНОТ НА ВРАБОТЕНА Приведена жена од Богданци откако го признала делото appeared first on plusinfo.mk.

Пар кој решил да ги носи своите вредни работи со себе во морето наместо да ги остави на плажа стана вистински хит на социјалните мрежи. Видеото собра повеќе од милион лајкови, но наместо нивната снаодливост, најмногу внимание привлече таканаречениот „балкански метод“ за чување работи на плажа.

Корисничката на ТикТок, Фјона, објави видео во кое покажува како таа и нејзиното момче го решиле проблемот со телефонот, паричникот и клучевите додека пливаат.

Наместо да побараат од некого да им ги причува работите, сè ставиле во пластична кеса, добро ја затвориле и ја поставиле на шарена гума што пловела покрај нив додека биле во морето.

„Кога твоето момче е премногу претпазливо, па сите работи мора да ги ставите во пластична кеса и да ги носите со себе додека пливате“, напишала таа покрај видеото.

@fjona_04 #fyp #fürdich #vacations #holidays #jet2holidays #boyfriend #girlfriend #couple #overthinker #beachvibes #albania #switzerland ♬ Jet2 Advert – A7-BBH | MAN

„Балканот има подобро решение“

Во коментарите брзо се појавил совет што привлече огромно внимание.

„Научи го на балканскиот метод“, напишал еден корисник.

Кога другите прашале што точно значи тоа, следувало објаснување дека вредните работи едноставно се оставаат под облеката, под пешкирот или на место што не привлекува внимание.

Други отишле чекор понатаму. Според нив, парите, клучевите и телефонот треба да се стават во кеса, да се закопаат плитко во песокот и над нив да се постави пешкир.

„Да ги закопаш под пешкир? Добра идеја!“

„Тоа е многу подобро отколку да барате непознати луѓе да ви ги чуваат работите“, гласи еден од најпопуларните коментари.

Имаше и корисници кои ја бранеа идејата на младиот пар.

„Всушност, ова е одлична идеја. Токму грижата за работите ме одвраќа од одење на плажа кога сум сам“, напишал еден корисник.

„Генијално за луѓе што патуваат сами“, додал друг.

Трет заклучил кратко:

„Чекајте… ова навистина е добра идеја“.

The post 📽️ СИ ГИ НОСЕЛЕ ВРЕДНИТЕ РАБОТИ ВО ВОДА, ИМ КАЖАЛЕ ДА ПРОБААТ „ПОБАЛКАНСКИ“ Пар доби „генијални“ совети откако објави снимка од летување appeared first on plusinfo.mk.

счезна под земја за секунда: Жена падна во шахта додека гледала во телефонот

Неверојатна сцена снимена на улица во Бразил стана вирален хит на социјалните мрежи, откако жена буквално исчезна под земја пред очите на минувачите.

33-годишната Фабијана Роса одела по тротоарот додека гледала во својот мобилен телефон, кога одеднаш стапнала на шахта која изгледала затворена.

Во истиот момент капакот се отворил под нејзините нозе, а жената пропаднала во отворот. Според локалните медиуми, по падот капакот повторно се затворил, оставајќи ја Фабијана заробена под земја.

A woman accidentally fell into a sewer and became trapped after the manhole cover closed on her in Rio de Janeiro, Brazil pic.twitter.com/caLXGWnPYx

— Surajit (@surajit_ghosh2) June 2, 2026

За среќа, драматичната сцена ја забележал мотоциклист кој веднаш застанал и ѝ притрчал на помош. Благодарение на неговата брза реакција, жената била извлечена без потешки последици.

– Мислев дека ќе умрам – изјавила Фабијана за локалните медиуми по инцидентот.

По несреќата се огласиле и градските власти во Рио де Жанеиро. Според нивните информации, капакот на шахтата не бил правилно поставен откако неколку часа претходно крадци се обиделе да украдат кабли од подземната инфраструктура.

Инцидентот повторно ја отвори дебатата за безбедноста на јавната инфраструктура во бразилските градови, особено на места каде претходно биле регистрирани кражби на кабли и оштетувања на шахтите.

The post 📽️ УЛИЦАТА БУКВАЛНО ЈА ПРОГОЛТА Гледала во телефонот, па исчезнала во шахта сред бел ден appeared first on plusinfo.mk.

Тепачка меѓу две жени во дом во Чаир завршила со две различни пријави во полиција.

Според полицијата, 37-годишна жена пријавила дека била физички нападната од 33-годишна жена, која притоа ја снимала со мобилен телефон.

Претходно, и 33-годишната жена пријавила дека била физички нападната. Според нејзината верзија, инцидентот се случил околу 18.45 часот.

Полицијата соопшти дека по целосно документирање на случајот ќе следуваат соодветни поднесоци.

The post ДВЕ ПРИЈАВИ, ЕДНА СНИМКА OД МОБИЛЕН Две жени се степале во дом во Чаир appeared first on plusinfo.mk.

Во Кочани, полициски инспектор е обвинет за попречување на правдата, откако, како што се тврди, го оневозможил правилното прибирање на докази во случај за измама.

Според пријавата, Б.Б., кој работи како помлад инспектор за малолетничка деликвенција и семејно насилство при СВР Штип, намерно го одложил извршувањето на наредба на јавен обвинител за прибирање докази. При лишувањето од слобода на осомниченото лице и неговото спроведување во полициска станица, тој не му го одзел мобилниот телефон, што на осомничениот му овозможило да го користи и подоцна да го изнесе, со што доказот станал неприфатлив.

Одделот за внатрешна контрола најави дека ќе поднесе предлог за поведување постапка за утврдување дисциплинска одговорност на инспекторот.

The post ИНСПЕКТОР ПРИЈАВЕН ЗА ПОПРЕЧУВАЊЕ НА ПРАВДАТА Oвозможил осомничениот да манипулира со докази и да ги уништи appeared first on plusinfo.mk.