Матеј Белистојаноски испиша историја за македонскиот спорт откако го освои златниот медал во карате на Медитеранските игри во Таранто, Италија.

Македонскиот репрезентативец триумфираше во категоријата до 67 килограми, носејќи ѝ го на Македонија првото златно одличје на овие Медитерански игри.

Белистојаноски до златото стигна со четири победи, а во ниту една од борбите не остави простор за сомнеж.

Во финалето македонскиот каратист беше убедлив против Хрватот Боран Берак, кого го совлада со 6-0.

Претходно, во полуфиналето, Белистојаноски беше подобар од Гркот Балиотис со 5-1, додека во четвртфиналето го совлада Италијанецот Мареска со 2-0.

Со серијата одлични настапи, македонскиот репрезентативец стигна до највисокото место на пиедесталот и го запиша своето име во историјата на македонското учество на Медитеранските игри.

Златото од Таранто е историски успех за Белистојаноски, но и за македонскиот спорт, бидејќи станува збор за првото златно одличје за Македонија на овие Игри.

 

View this post on Instagram

 

A post shared by Macedonian Olympic Committee (@mkd_olympic_team)

The post 📽️ МАКЕДОНИЈА ИМА ЗЛАТЕН МЕДАЛ НА МЕДИТЕРАНСКИТЕ ИГРИ Каратистот Белистојаноски доминираше и во финалето appeared first on plusinfo.mk.

Македонскиот борач Реџеп Хајдари освои сребрен медал на Медитеранските игри во Таранто. Во финалето во категоријата до 97 килограми загуби од Даурен Куруглиев од Грција со 0-6.

Хајдари претходно го обезбеди финалето со победата над Французинот Адлан Вишканов со 3-2.

До медалот стигна откако во групната фаза забележа победа и пораз. Токму Куруглиев го совлада и во таа фаза од натпреварувањето.

Македонија така стигна до 3 медали во борење во Таранто. Фати Вејсели исто така освои сребро, а Ахмад Магомедов бронза.

Вејсели во финалето до 74 килограми загуби од Ислам Дудаев од Албанија со 0-4. Магомедов го освои бронзениот медал во категоријата до 86 килограми со победа од 10-0 над Италијанецот Габриеле Николини.

The post МАКЕДОНСКИТЕ БОРАЧИ СО 3 МЕДАЛИ ВО ТАРАНТО Хајдари и Вејсели сребрени, Магомедов бронзен appeared first on plusinfo.mk.

Нашата најдобра тенисерка Лина Ѓорческа денес го одигра својот историски прв натпревар на еден Гренд слем турнир, настапувајќи на легендарниот Вимблдон, со што испиша ново поглавје во македонскиот тенис.

И покрај поразот во првото коло, Ѓорческа доби огромна поддршка од јавноста, бидејќи стана првата тенисерка од Македонија која настапила во главната фаза на еден Гренд слем турнир во сингл конкуренција, како во машка така и во женска категорија претставувајќи историски успех за земјата.

Во денешниот дуел, Лина играше против една од најдобрите тенисерки во светот, шестата носителка и ланска финалистка на Вимблдон, Американката Аманда Анисимова.

Мечот започна со сервис на Анисимова која поведе со 1:0 во гемови, по што Ѓорческа веднаш возврати за 1:1, но првиот сет заврши во корист на Американката со 6:3.

Во вториот сет, македонската тенисерка стартуваше одлично и поведе со 1:0, а во текот на сетот успеа да спаси и една меч-топка на свој сервис, покажувајќи борбеност и карактер.

Сепак, Анисимова ја потврди својата класа и го доби вториот сет со 6:2, со што го затвори натпреварот.

Иако дуелот траеше релативно кратко, настапот на Ѓорческа останува историски момент за македонскиот спорт, а нејзиниот пласман на Вимблдон претставува силен поттик за идните генерации тенисери.

The post ЛИНА ЗАГУБИ НА ВИМБЛДОН ОД АНИСИМОВА, НО НЕ РАЗОЧАРА Ѓорческа го испиша најголемиот успех во кариерата appeared first on plusinfo.mk.

Македонската тенисерка Лина Ѓорческа се чувствува одлично и подготвено пред мечот на ланската финалистка на Вимблдон, Амана Анисимова, вели тренерот на Ѓорческа за „Мундокаст“ на 4news.

– Мислам дека еуфоријата повеќе се чувствува таму во Македонија, во сите медиуми и портали. Кај нас тој прв бран на емоции по пласманот во главниот турнир веќе помина. Влезени сме во нормален процес на тренирање и подготовки за мечот кој следи. Лина се чувствува одлично, здравствено е сè супер и сè е подредено на тој настап – изјави Димитар Лабудовиќ ексклузивно за „Мундокаст“ велејќи дека со 3 меча зад себе Лина е навикната на условите.

Ѓорческа која стана првата Македонка која ќе учествува во главната ждрепка на еден гренслем турнир – легендарниот Вимблдон. Таа го оствари својот сон. Со убедлива победа во квалификациите обезбеди пласман на најпрестижниот гренслем во светот.

Осврнувајќи се на досегашниот успех на Лина,  Лабудовиќ вели дека и не треба да има притисок за претстојниот меч.

– На крајот од денот, притисок не треба да има. Лина нè стави на светската тениска мапа, сите сме зад неа, па нека му ја мисли Анисимова -самоуверено порача тренерот и ипрати силна порака да се вреднуваат и поддржуваат македонските спортисти, а не само „да ги тапкаме спортистите по рамо“.

МОЖЕБИ СМЕ МАЛА ЗЕМЈА, НО ИМАМЕ ОГРОМНО СРЦЕ Ѓорческа вели дека пласманот на Вимблдон е остварување на сонот

The post ЛИНА Е СПРЕМНА ЗА АНИСИМОВА, TAA BEЌЕ ИСПИША ИСТОРИЈА Македонката без притисок влегува во најголемиот предизвик во кариерата appeared first on plusinfo.mk.

Македонската тенисерка Лина Ѓорчевска (ВТА-223) се пласираше во третото и последно квалификациско коло за пласман на главниот турнир на Вимблдон, откако вечерва ја совлада Португалката Франциска Жорге со 2-1 во сетови (5-7, 6-2, 6-1).

Ѓорческа до победата стигна по пресврт, откако го загуби првиот сет, а потоа целосно ја презеде контролата врз мечот на теренот број 10, добивајќи 12 од последните 15 гема.

По загубениот прв сет, македонската тенисерка влезе многу поагресивно во вториот и со два брејка поведе со 3:0. Жорге успеа да врати еден брејк за намалување на 3:1, но Ѓорческа повторно ѝ го одзеде сервисот во седмиот гем и поведе со 5:2. Во следниот гем сигурно го заврши сетот со 6:2 и израмни на 1-1.

Во решавачкиот трет сет, Ѓорческа повторно направи два брејка и поведе со 3:0. Португалката успеа да врати еден брејк, но тоа беше сè што освои до крајот на мечот. Македонската тенисерка доминираше во продолжението и со 6:1 во третиот сет ја завери победата по два часа и 23 минути игра.

За место на главниот турнир, Ѓорческа утре ќе се соочи со Италијанката Лусија Бронцети (ВТА-127), која во второто квалификациско коло ја совлада Литванката Јустина Микулските со 2-0 во сетови (6-3, 6-3).

Денешната програма на Вимблдон беше прекината околу час и половина поради високите температури во Лондон.

The post ЃОРЧЕСКА НА ЧЕКОР ДО ГЛАВНИОТ ТУРНИР НА ВИМБЛДОН Македонската тенисерка со пресврт ја елиминираше Жорге appeared first on plusinfo.mk.

Компанијата Грин Машинс, бренд на БРАКО и еден од водечките светски производители на возила за урбана хигиена, воспостави соработка со најуспешниот македонски автомобилист Игор Стефановски – Иџе, чии тркачки автомобили отсега ќе го носат логото на македонскиот бренд на европските патеки.

„За нас претставува чест да бидеме дел од приказната на Игор Стефановски – Иџе. Станува збор за спортист кој со своите резултати, професионален однос и упорност со години е еден од најдобрите промотори на Македонија во странство. Во исто време, Грин Машинс преку своите електрични и водородни свипери е присутен на речиси сите континенти. Веруваме дека ваквите успешни македонски приказни заслужуваат меѓусебна поддршка и заедничка промоција на нашата земја на меѓународната сцена“, велат од Грин Машинс.

Свиперите, односно специјализираните возила за урбана хигиена што ги произведува БРАКО се препознатливи на светскиот пазар, а преку ова партнерство, брендот ќе биде присутен и на европските тркачки патеки, каде што Иџе со години успешно ги брани боите на Македонија и остварува врвни резултати во конкуренција на најдобрите европски автомобилисти.

Соработката претставува симболично поврзување на две успешни македонски приказни – едната од производствените капацитети на БРАКО, а другата од европските тркачки патеки – кои преку своите достигнувања придонесуваат за афирмација на Македонија надвор од нејзините граници.

The post 📷 ГРИН МАШИНС ЌЕ ГО ПРИДРУЖУВА ИЏЕ НА ЕВРОПСКИТЕ ПАТЕКИ Брендот станува спонзор на најтрофејниот македонски автомобилист appeared first on plusinfo.mk.

Mакедонскиот спорт и градот Куманово се во жалост, по трагичната смрт на 13-годишниот фудбалер Аган Асани, член на младинските категории на ФК Куманово, кој загина во тешка сообраќајна несреќа што се случила синоќа на регионалниот пат Куманово – Скопје.

Според официјалните информации од СВР Куманово, несреќата била пријавена околу 21:10 часот, на влезот во селото Черкези. До трагедијата дошло при директен судир помеѓу патничко возило „мерцедес“ со кумановски регистарски ознаки, управувано од 24-годишниот Ф.С. од Куманово, и електричен тротинет кој го управувал младиот Асани. Тинејџерот им подлегнал на повредите на самото место.

Веста за смртта на младиот фудбалер предизвика силни реакции во македонската фудбалска јавност, а за трагедијата се огласија и од Фудбалската репрезентација на Македонија, од каде изразија длабоко жалење.

„Со голема тага ја примивме веста за загубата на нашиот фудбалер, Аган Асани. Изразуваме искрено сочувство до семејството Асани. Аган засекогаш ќе остане во нашите срца“, стои во објавата.

Од ФК Куманово и неговите тренери се простуваат од младиот играч со пораки полни со болка и неверување, истакнувајќи дека неговиот придонес и спомен ќе останат трајно запаметени.

Тренерот Исмет Зеќири во изјава за јавноста нагласи:

„Со длабока тага ја примивме веста за смртта на нашиот 13-годишен играч, Аган Асани. Неговата загуба длабоко нè погоди како клуб, оставајќи голема болка кај неговите соиграчи, тренери и целото семејство на ФК Куманово. Во ова тешко време, им изразуваме најдлабоко сочувство на семејството Асани, роднините и пријателите. Споменот на Аган секогаш ќе остане во нашите срца. Нека почива во мир.“

Полицијата и надлежното обвинителство извршиле увид на местото на несреќата, а се работи на утврдување на сите околности и причините што довеле до трагичниот исход.

13-ГОДИШНО ДЕТЕ ЗАГИНА ВОЗЕЈЌИ ТРОТИНЕТ Малолетник смртно повреден по удар од автомобил

The post ФУДБАЛСКА МАКЕДОНИЈА СЕ ПРОСТУВА ОД АГАН АСАНИ Загинатото 13-годишно дете било фудбалер на ФК Куманово appeared first on plusinfo.mk.

Видеолотарија Касинос Австрија обезбеди поддршка за КК Крива Паланка, продолжувајќи ја својата континуирана заложба за развој и унапредување на македонскиот спорт.

Како модерна и општествено одговорна компанија, Видеолотарија Касинос Австрија инвестира во спортски проекти кои промовираат тимски дух, посветеност и победничка енергија. Поддршката за КК Крива Паланка е насочена кон младите, спортскиот начин на живот и заедништвото кое го создава спортот низ целата земја.

– Ова партнерство е дел од нашата мисија активно да придонесуваме кон развојот на спортската култура во Македонија – велат од Видеолотарија Касинос Австрија, додавајќи дека компанијата ќе продолжи да инвестира во проекти кои носат долгорочни позитивни ефекти за спортската сцена.

Од КК Крива Паланка изразуваат благодарност за поддршката и истакнуваат очекување дека соработката ќе прерасне во долгорочно партнерство:

– Веруваме дека оваа соработка ќе се развие во позитивна заедничка приказна за препознавање, поддршка и унапредување на женскиот спорт во Македонија. Како клуб постоиме веќе две децении, а низ нашата школа поминале повеќе од 5.000 млади кошаркарки и кошаркари од Крива Паланка – велат од клубот.

Со ова партнерство, Видеолотарија Касинос Австрија уште еднаш ја потврдува својата сериозна и долгорочна определба за унапредување на спортската сцена во земјата.

The post ВИДЕОЛОТАРИЈА КАСИНОС АВСТРИЈА ГО ПОДДРЖУВА КК КРИВА ПАЛАНКА Инвестиција во младите и спортската култура во Македонија appeared first on plusinfo.mk.

Македонија вечерва излегува на големата европска сцена без страв и без калкулации. Со срце, со верба и со јасна порака дека ниту еден противник, без разлика колку е моќен, не е недостижен. Во Хернинг, од 20:30 часот, „црвено-жолтите“ го почнуваат Европското првенство против кодомаќинот и еден од главните фаворити – Данска.

Реалноста вели дека Данска е ракометна сила, селекција навикната на злато, притисок и полни трибини. Но ракометот отсекогаш бил спорт во кој Македонија знаела да изненади, да се издигне над очекувањата и да покаже карактер кога е најтешко. А токму тоа го носат избраниците на селекторот Кирил Лазаров – генерација што не бега од предизвици.

Македонската репрезентација веќе неколку денови е во Данска, каде сериозно се подготвува за стартот на шампионатот. Во вторникот, како последна проверка, беше одигран и контролен натпревар против Митјиланд, кој нашите ракометари го добија – сигнал дека формата расте и дека тимот е подготвен за големата битка.

Ова не е првпат Македонија да стартува европски шампионат токму во Хернинг против Данска. Истата сцена ја видовме и во 2014 година. Но секој турнир е нова приказна, секој натпревар нова можност да се испише историја.

Дуелот е дел од групата Б, во која се уште Португалија и Романија. Во првиот денешен натпревар од 18 часот ќе се сретнат токму овие две селекции, додека Македонија во следните денови ја продолжува борбата – во недела од 18 часот против Португалија, а во вторник во истиот термин против Романија.

Пласман во следната фаза ќе обезбедат двете првопласирани селекции од групата, а Македонија во овој шампионат не влегува со наведната глава, туку со исправен став и желба да се бори до последна секунда.

The post ДАНСКА Е ФАВОРИТ, НО МАКЕДОНИЈА НЕ СЕ ПРЕДАВА „Црвено-жолтите“ вечерва ја почнуваат европската битка appeared first on plusinfo.mk.

Шкотскиот клуб Хартс вечерва одговори дека не се грижи за објавата на скопски Вардар дека прифатил понуда од американскиот Спортинг Канзас за продажба на напаѓачот Роџерс Мато. Иако Вардар ја нарече зделката „милионски трансфер“, Хартс тврди дека играчот веќе има потпишано преддоговор со нив и во јули ќе стане нивен фудбалер без обесштетување.

Хартс минатата недела понудил 300.000 фунти за да го добие Мато уште сега, но понудата била одбиена.

– Имаме потпишан договор со играчот и сме опуштени во врска со ситуацијата– изјави портпаролот на клубот од Единбург.

Истовремено, „Хартс Стандард“ пренесе дека портпаролот на Спортинг Канзас Сити потврдил дека Американците се повлекле од преговорите.

„Го разгледувавме трансферот на Роџерс Мато, но тој одлучи да потпише преддоговор со Хартс. Му посакуваме сè најдобро во иднина“, стои во соопштението.

ВАРДАР ПРИФАТИ МИЛИОНСКА ПОНУДА, МАТО ЗАМИНУВА Стрелецот ќе трча за Спортинг Канзас Сити во САД

The post ПРОПАДНА МИЛИОНСКИОТ ТРАНСФЕР НА СТРЕЛЕЦОТ НА ВАРДАР? Мато е врзан со договор со шкотски Хартс appeared first on plusinfo.mk.