Студентка од Австралија „по грешка“ станала милионер

Студентка од Универзитетот во Гленелг, Австралија, не ни помислила дека едно обично отворање на мејлот ќе ѝ донесе 5 милиони долари. Како што објавија локалните медиуми, студентката, чие име не е објавено, играла лото онлајн за време на предавањето на факултет. До вечерта веќе не се ни сеќавала дека играла лото, но по три дена се случил пресврт во нејзиниот живот.

– Не ни размислував за лото, само накратко го отворив мејлот и сфатив дека сум освоила лото премија. Бев шокирана, а не можев никако да изреагирам, бидејќи бев на предавање. Ми беше тешко да се воздржам, бидејќи сакав да врескам и да скокам од среќа. Гледав во часовникот и едвај чекав да заврши предавањето. Тоа беше највозбудливиот момент во мојот живот. Трипати го проверив мејлот за да видам дали сонувам –  рекла студентката, пренесува „News.so.au“.

Како што истакнала, од добивката сака да ѝ купи на мајка ѝ автомобил, но сака да си купи и недвижнина.