Словенија воведува драстични мерки: Кој ќе ги прекрши ќе доби и до 15 години затвор

Во Словенија, во која 253 лица се заразени со вирусот, се преземаат сериозни мерки во борба против коронавирусот, така што секој угостител, трговец или друга личност што ќе ги прекрши правилата и ја прошири болеста, може да добие осум години затвор.

Ако поединецот намерно ја шири инфекцијата, може да се соочи со затвор до 15 години ако дојде до смртен случај. Како што е наведено во член 177 од словенечкиот кривичен законик, кој се однесува на пренесување на заразни болести, „секој што не ги исполнува прописите со кои се бара надлежниот орган да изврши увид, да ги дезинфицира пациентите и сите други мерки за контрола или спречување на ширење на заразни болести, ќе се казни со парична казна или затвор до една година“.

Доколку дојде до смрт на едно или повеќе лица, затворските казни биле поригорозни, а адвокатот Марко Макуч рече дека случајот е кривично дело против животот и телото, но истакна дека сторителот на делото се сметал единствено за лицето на кое се однесуваат наредбите.

Тој наведува како пример дека доколку Владата донесе регулатива угостителите да ги затворат своите простории, ќе бидат казнети доколку се утврди дека ги прекршиле овие наредби.