Шпанија прогласи најдолг период на жалост во изминатите 40 години
За време на деновите на жалост, кои ќе започнат во среда, знамињата на повеќе од 14.000 институции и бродови ќе бидат на половина копје, пренесува британскиот „Гардијан“.
Шпанската влада денес прогласи десет дена жалост за сите жртви на вирусот ковид 19, што е најдолг период на жалост во последните 40 години.
За време на деновите на жалост, кои ќе започнат во среда, знамињата на повеќе од 14.000 институции и бродови ќе бидат на половина копје, пренесува британски „Гардијан“.
Портпаролот на шпанската влада Марија Хесус Монтеро изјави дека повеќе од 80 проценти од починатите биле постари од 70 години и дека тоа биле „оние што помогнале во градењето на денешната земја“.
– Тие засекогаш ќе останат во нашата меморија“, рече Монтеро. Кралот Филип VI ќе ја предводи комеморацијата, откако земјата ќе излезе од карантинот воведен пред два и пол месеци.
Кога во 1975 година почина диктаторот Франциско Франко во Шпанија беа прогласени 30 дена жалост.
Патем, на прозорците на приватните станови во Шпанија, може да се забележат шпански знамиња со црна лента, кои претставуваат симбол на загуба на државата, но и гнев заради начинот на кој државата ја третираше пандемијата.
Властите во Мадрид, упориште на конзервативната опозиција, поставија големи црни екрани на одредени обележја на градот, а пред градското собрание беше поставен гасен пламен опкружен со црвени цвеќиња со табла на која пишува „вашиот пламен никогаш нема да згасне во нашите срца“.
Во Шпанија се забележани 27.19 смртни случаи поврзани со коронавирусот, како и 236.259 заболени.