ШЕФОВИТЕ НА РУСКАТА ХИБРИДНА МРЕЖА „РИБАР“ УАПСЕНИ ВО ЦРНА ГОРА Михаил и Валерија Звинчук наводно снимале документарно видео
Кај групата се пронајдени софистицирана дигитална опрема, дронови, електронски уреди и телефорни.
Црногорската полиција, во соработка со Агенцијата за национална безбедност (АНБ), во петокот уапси пет лица осомничени дека припаѓаат на руската хибридна мрежа „Рибар“.
Според црногорските медиуми, Михаил и Валерија Звинчук, за кои се вели дека се меѓу водечките луѓе на таа организација, како и уште тројца нивни соработници, се уапсени во Рисно, град во Которскиот Залив. Според „Вијести“, кај нив е пронајдена дигитална опрема, дронови, електронски уреди и телефони.
Aкцијата била спроведена поради сомневања за хибридна операција на мрежата „Рибар“, која британските и американските власти ја поврзуваат со пропагандата на Кремљ и операциите на странско информатичко влијание.
Според истите информации, црногорските служби имале најава за пристигнување на членови на таа мрежа, а нивниот престој бил следен со денови.
Целта на посетата наводно била да се сними документарно видео за најавеното усогласување на визната политика на Црна Гора со стандардите на Европската Унија.
Соговорниците на „Вијести“ од безбедносниот сектор изјавија дека планираната содржина требало да ја претстави европската интеграција како политички наметнат процес со негативни последици за туризмот, економската стабилност и националните интереси на Црна Гора.
Црногорскиот премиер Милојко Спајиќ изјави дека по успешната акција во Рисно, јасно е дека постои хибридна акција за која претходно предупредиле и дека пораката на Црна Гора е јасна: „Ги штитиме нашите интереси и никој нема да ја загрози нашата европска иднина“.
Како што изјави во објава на мрежата X, тие предупредија дека обидите за хибридна акција и дестабилизација на Црна Гора неуморно го следат европскиот пат на Црна Гора и дека постојат сериозни индикации кои бараат секоја трага внимателно да се испита и секоја врска да се гледа во поширок контекст.
Ова не е момент за избрзани изјави, туку и за наивни заклучоци. Нема да наведуваме што мора да остане во доменот на безбедносните служби.
„Но, пораката по денешната успешна операција во која беше приведен шефот на информациската мрежа „Рибар“ е јасна: институциите си ја работат својата работа, Црна Гора ги штити своите интереси и никој нема да ја загрози нашата европска иднина“, нагласи Спајиќ.