СДСМ ГИ ОБЈАВИ КАНДИДАТИТЕ Сугарески за Прилеп, Коциќ за Велес, Велковски за Карпош
Кандидатот Горан Сугарески е познат помеѓу прилепчани и тој убедливо ќе победи на локалните избори во овој град. Во Свети Николе одиме со Сашо Велковски, кој е актуелен градоначалник и кој има многу направено за градот. Во скопски Карпош имаме сигурен победник уште во прв круг, а тоа е мојот досегашен колега во партијата, Душко Велковски, соопшти генералниот секретар на СДСМ.
По завршените анализи и истражувања, како и сите консултации со членовите на партијата, утвдивме дополнителни 16 нови кандидати за градоначалници од СДСМ, истакна генералниот секретар на партијата, Љупчо Николовски, на денешната прес-конференција.
Тој посочи дека СДСМ во Прилеп ќе настапи со кандидатот Горан Сугарески, кој, како што рече Николовски, ужива голема доверба кај прилепчани и е убедливо најголем фаворит.
– Кандидатот Горан Сугарески е познат помеѓу прилепчани и тој убедливо ќе победи на локалните избори во овој град. Во Свети Николе одиме со Сашо Велковски, кој е актуелен градоначалник и кој има многу направено за градот. Во скопски Карпош имаме сигурен победник уште во прв круг, а тоа е мојот досегашен колега во партијата, Душко Велковски. Во Тетово одиме со Хемди Алезмовиќ, стоматолог, кој ги има симпатиите и авторитетот кај сите заедници во овој град. Кандидат на СДСМ во Аеродром е Александар Филиповски, поранешен пратеник, кој има долгогодишно искуство во приватниот сектор. Убедени сме дека Филиповски е новиот градоначалник и јас лично гарантирам голема победа во оваа општина – соопшти Николовски.
Тој додаде дека кандидатот на СДСМ за градоначалник на Општина Сопиште е Сашо Стојановски.
– Нашиот кандидат во Сопиште е Сашо Стојановски, дипломиран правник. Во Јегуновце одиме со актуелниот градоначалник Дарко Блажевски. СДСМ ќе има свој канидат во Кавадарци – Горан Тодоров, дипломиран инженер. Кандидат во Кратово е Влатко Бојковски, еден од помладите кандидати, кој е дипломиран информатичар. Во Чешиново-Облешево одиме со актуелниот градоначалник Горан Крстев, а во Зрновци со Виктор Ангелов. Во Илинден одиме со бизнисменот Александар Тодоровски. Во Демир Хисар одиме со магистерот Стевче Митревски, а со нов кандидат одиме и во Ново Село, таму е младиот Звонко Ангелов. Во Велес одиме со кандидатот Ненад Коциќ, актуелен пратеник и познат помеѓу велешани од многу проекти. Во Брвеница одиме со Мирко Стојановски, актуелен градоначалник кој ужива голема доверба кај граѓаните. Сите овие кандидати се убедливи фаворити на локалните избори – рече Николовски.