📽️ 📷 „САМСУНГ УКРАИНА“ МЕТА НА РУСКИ НАПАДИ Москва објави детали за нападот, Киев сè уште без потврда
Руското Министерство за одбрана соопшти дека цел на нападот биле објекти на украинската воена индустрија, додека градоначалникот на Киев потврди дека има повредени во воздушните напади.
Руската армија извршила координиран напад со прецизно копнено оружје врз објекти на украинскиот воено-индустриски комплекс во Киев, соопшти утринава руското Министерство за одбрана.
Во исто време, градоначалникот на Киев, Виталиј Кличко, преку социјалните мрежи информираше дека неколку лица се повредени во руските воздушни напади врз украинската престолнина.
Според руското Министерство за одбрана, цел на нападот била фабрика на компанијата „Самсунг Украина“, за која Москва тврди дека била користена за производство и складирање компоненти за ракетите „Фламинго“, како и работилница за склопување беспилотни летала со среден и долг дострел.
Украинските власти засега не ги потврдија овие тврдења, ниту, пак, објавија информации за евентуална штета на наведените објекти.
Нападите врз Киев доаѓаат во услови на продолжени интензивни борби и меѓусебни воздушни напади меѓу Русија и Украина, додека информациите од двете страни најчесто не можат веднаш независно да бидат потврдени.
Russia continues its terrorist attacks on Kyiv.
Rescuers are still putting out fires across the city.
In the Sviatoshynskyi district, the body of a woman was found during firefighting operations. pic.twitter.com/qJHInkAPLp
— Maria Drutska 🇺🇦 (@maria_drutska) July 8, 2026