САМО ВАКЦИНИРАНИ И СО НЕГАТИВЕН ТЕСТ Адел воведе строги правила за концертот (ФОТО)
Негативниот резултат на домашниот тест на ковид-19 нема да биде доволен за влез на концертот.
Обожавателите кои сакаат да присуствуваат на концертот на пејачката Адел во Лас Вегас мора да покажат доказ дека се целосно вакцинирани и да имаат негативен тест за ковид-19, пишува „Дејли мејл“.
И доказот за вакцинација и резултатот од тестот мора да ги издаде здравствениот работник кој ја спроведува вакцинацијата или тестирањето. Негативен резултат од домашен тест за ковид-19 нема да биде доволен за да се влезе во концертот.
Ова барање се однесува на сите кои се квалификуваат за вакцината, без исклучок. Децата кои не ги исполнуваат условите за вакцинација мора да донесат доказ за негативен тест за ковид-19 направен во последните 48 часа и да носат маска за време на концертот.
Адел минатата недела откри дека ќе има повеќе настапи меѓу 21 јануари и 16 април во Колосеумот во Палатата Цезар. Билетите требаше да бидат пуштени во продажба во вторник, но поради падот на „Амазон“ се очекува билетите да бидат достапни за купување од денеска.
View this post on Instagram
ФОТО: Инстаграм