САБАЛЕНКА ЈА ПОБЕДИ РИБАКИНА ВО ФИНАЛЕТО НА ИНДИЈАН ВЕЛС Ова е нејзина 23. титула во поединечна конкуренција
Сабаленка за првпат го освојува Индијан Велс во својата кариера, а тоа е нејзината 10 титула на турнирите од серијата 1000.
Најдобрата тенисерка во светот, Арина Сабаленка новата е шампионка на турнирот во Индијан Велс, САД. Во мечот за пехарот успеа да ја победи Елена Рибакина од Казахстан со 3:6, 6:3, 7:6 (6) по два часа и 34 минути игра.
Сабаленка ѝ се одмазди на Рибакина за поразот во финалето на првиот грен слем годинава, Австралија опен.
Дваесет и седумгодишната Сабаленка ја освои својата 23-та титула во поединечна конкуренција и втора во сезоната 2026. Таа, исто така, го освои турнирот во Бризбејн во јануари.
Сабаленка за првпат го освојува Индијан Велс во својата кариера, а тоа е нејзината 10 титула на турнирите од серијата 1000.
Таа стана и четвртата тенисерка со двоцифрен број титули на овие турнири откако беше воведен форматот во 2009 година, по Серена Вилијамс (13), Ига Швјонтек (11) и Викторија Азаренка (10).
Сабаленка можеше да го заврши мечот пред тај-брејкот. Таа беше првата што направи брејк во третиот сет, во гем во кој Рибакина водеше со 40:0. Таа ја имаше таа предност до 5:4 кога сервираше за титулата. Но, Рибакина исто така играше на врвно ниво – и успеа да се избори за тајбрејк.