РУСИЈА ПОВИКУВА НА ВОЗДРЖАНОСТ ОКОЛУ ИРАН Да се избегне ескалација и да се покаже одговорност
Москва продолжува да ги развива односите со Техеран, вели портпаролот на Кремљ, Дмитриј Песков.
Русија ги повикува сите актери на Блискиот Исток да покажат воздржаност за моменталната ситуација околу Иран, рече денеска портпаролот на Кремљ, Дмитриј Песков.
Тој апелираше до „иранските пријатели, како и до сите страни во регионот“ да избегнат ескалација и да покажат максимална одговорност.
Песков нагласи дека Москва продолжува да ги развива односите со Техеран.
Зборувајќи за руско-иранските воено-поморски маневри, Песков нагласи дека станува збор за однапред планирани и редовни активности кои се координирани многу порано.
– Ова се редовни вежби кои беа договорени многу порано – им рече Песков на новинарите.
Претходно, медиумите објавија дека високи претставници на националната безбедност го информирале американскиот претседател Доналд Трамп дека војската е подготвена за потенцијални напади врз Иран уште во сабота, но временската рамка за каква било можна акција веројатно ќе се продолжи и по овој викенд.