🎥 РОМАНСА МЕЃУ ХАРИ СТАЈЛС И ЗОЕ КРАВИЦ? Заљубени и во Рим и во Лондон

Светот на славните доби нова сензација, откако пејачот Хари Стајлс и актерката Зое Кравиц беа забележани заедно во Рим. Нивната прошетка низ вечниот град, со спокоен чекор и блискост што не можеше да се игнорира, веднаш поттикна шпекулации дека меѓу нив се раѓа нова романса. Снимките што се појавија на социјалните мрежи покажуваат како двајцата изгледаат опуштено и насмеано, додека вниманието на фановите и папараците растеше од секој нивен гест.

Страстен бакнеж и во Сохо?

Зое во бела мини-облека и капче, а Хари во лежерна комбинација со слушалки и патики, создадоа впечаток на пар кој сака да ужива во обични моменти, далеку од големите сцени и од црвените килими. Но, нивната близина не остана без коментари. „Интимни и во Рим и во Лондон“, беше клучната забелешка на неколку светски медиуми, откако парот беше уловен и во британската престолнина, во ресторан во Сохо, каде очевидци тврдат дека размениле страстен бакнеж.

Присуството на Хари на промоцијата на новиот филм „Caught Stealing“, во кој Кравиц има улога, дополнително ја засили приказната. Според извор за магазинот „Пипл“, пејачот ја следел актерката на неколку јавни настапи, а времето кое го минувале заедно било повеќе од пријателска поддршка. Сепак, ниту тој ниту таа не се огласиле јавно, оставајќи ја јавноста да шпекулира.

За љубопитните оваа блискост не е изненадување. Во последните месеци, Кравиц често беше поврзувана со колегата Остин Батлер, додека за Стајлс медиумите пишуваа дека имал блиски средби со неколку жени, меѓу кои и една продуцентка. Двајцата зад себе имаат богато љубовно минато и тоа само ја разгорува мистеријата околу нивната врска.

Да не се сепак само пријатели?

Фановите реагираа бурно, дел со воодушевување што нивните миленици се пронајдоа еден со друг, а дел со скепса дека станува збор за вистинска љубовна приказна. Коментарите на социјалните мрежи варираат – од ентузијастични честитки до претпазливи забелешки дека можеби се работи за пријателство кое камерите го прикажале поинтимно отколку што навистина е.

Дали станува збор за нова холивудска љубовна сага или пак за обична блискост меѓу двајца познати луѓе, засега останува отворено прашање. Сигурно е само едно – нивната појава во Рим и во Лондон е доволна за да ја стави оваа приказна во центарот на светските таблоиди, а секој нареден нивен чекор ќе биде следен со големо внимание.