📽️ РЕЈ ЛАМОНТЕЊ СЕ ОНЕСВЕСТИ НА СЦЕНА, ПУБЛИКАТА ВО ШОК Славниот музичар падна додека пееше, а неговиот тим откри што му се случило

Американскиот пејач и текстописец Реј ЛаМонтењ се онесвести на сцената за време на концертот во „Ryman Auditorium“ во Нешвил, пред шокираната публика.

Инцидентот се случил во саботата, 5 септември, додека 53-годишниот музичар ја изведувал песната „Jolene“ од 2004 година. На видеото што го снимил еден од посетителите се гледа како ЛаМонтењ пее и свири гитара, а потоа во еден момент испушта звук, се фаќа за микрофонот и паѓа наназад на сцената. Двајца членови од неговиот тим веднаш му притрчале на помош.

Набргу потоа неговиот тим ги информирал фановите дека пејачот бил згрижен од локалната итна медицинска помош. Како причина за онесвестувањето била наведена дехидрација предизвикана од топлината.

– Реј е во добри раце кај локалната итна медицинска помош и се лекува од дехидрација поврзана со топлината. Сега е добро и им е благодарен на сите за разбирањето – соопштил неговиот тим. Тие додале дека ЛаМонтењ се радува на следниот настап во Луисвил.

@angelabrown445

Sept 5th 2026

♬ original sound – Angela Brown

И покрај непријатниот инцидент, пејачот веќе следниот ден настапил во „Louisville Palace“ во Кентаки. Тој не го коментирал падот пред публиката, а неговиот тим не објави дополнителни детали за неговата здравствена состојба.

ЛаМонтењ моментално е на турнејата „Trouble 20th Anniversary Tour“, со која одбележува две децении од неговиот дебитантски албум „Trouble“. Турнејата започна на 23 август во Солт Лејк Сити, а на концертите го изведува албумот во целост, заедно со песни од останатиот дел од неговата кариера. Последниот концерт е закажан за 3 октомври во „Beacon Theatre“ во Њујорк.

ЛаМонтењ има девет студиски албуми, а во 2011 година ја освои Греми наградата за најдобар современ фолк-албум за „God Willin’ & the Creek Don’t Rise“. Неговиот последен студиски албум, „Long Way Home“, беше објавен во 2024 година.