ПУТИН МОЖЕ ДА ОБЈАВИ МОБИЛИЗАЦИЈА НА ДЕНЕШНИОТ ГОВОР? 80 години од ослободувањето на Ленинград е одлична прилика

Рускиот претседател Владимир Путин би можел да објави нов бран на мобилизација „веќе на 18 јануари“, пишува познатиот Институ за војната ИСВ во нова анализа. Датумот се совпаѓа со говорот на Путин кој тој треба денеска да го одржи во Санкт Петербург по повод 80 години од пробивањето на германската опсада врз градот во Втората светска војна, кога тој се нарекувал Ленинград.

Познато е дека Путин сака да користи симболични датуми за да му се обрати на рускиот народ, а дека тој ќе објави мобилизација сметаат и некои руски провоени блогери.

#Putin‘s directive to conduct large-scale military reforms aimed at expanding #Russia’s conventional armed forces is likely to prepare for a protracted war in #Ukraine and to set conditions to build a significantly stronger Russian military quickly. https://t.co/ll0oKOkXhS https://t.co/0wjgVWMsuw

— ISW (@TheStudyofWar) January 18, 2023

Претседателот на Украина, Володимир Зеленски, неодамна во видеообраќање рече дека Русија планира наскоро да објави втора мобилизација. Руски аналитичари и украински функционери сметаат дека наскоро би можело да се случи уште една мобилизација во Русија, но Москва тоа го демантира, пишува германски „Дојче веле“ во опширна анализа.

Непосредно пред Нова година, украинскиот министер за одбрана Алексеј Резников им се обрати на Русите и ги предупреди дека Кремљ се подготвува за нова мобилизација, па дури и сака да воведе воена состојба во Русија и да ги затвори границите на земјата за мажи.

Официјално, делумната мобилизација во Русија , која започна на 21 септември минатата година, сè уште не е завршена. Тоа би можело да се случи само откако претседателот Владимир Путин ќе го потпише соодветниот декрет, што до денес не се случило.