Прободен со нож во центарот на Скопје, претепано обезбедувањето во казино
По расправија го грабнал вонбрачното дете и побегнал.
СЕ ЗАПАЛИЛ ПАСАТ ВО ДВИЖЕЊЕ – На 23.08.2020 во 22.47 часот во СВР Скопје било пријавено дека на ул.„Борис Трајковски“ настанал пожар во патничко возило „фолксваген пасат“, кое било во движење, а управувано од Е.Д.(43) од с.Моране. Пожарот бил целосно изгаснат во 23.00 часот од екипа на Бригадата за противпожарна заштита, а повредени лица нема.
ГО КАСНАЛ ДОМАШЕН МИЛЕНИК – На 23.08.2020 во 11.50 часот во Полициската станица Центар, Ш.М.(76) од Скопје пријавил дека на ул.„Народен фронт“ бил каснат од куче-домашен миленик. Се работи на расчистување на случајот.
НЕДОРАЗБИРАЊЕТО СО РАСЧИСТУВАЛ СО ПИШТОЛ ВО РАКА – На 23.08.2020 во 20.34 часот во Полициската станица Драчево, М.Б.(27) од с.Батинци, скопско, пријавил дека околу 16.20 часот, на патот кон с.Батинци едно лице му се заканувало со пиштол, поради недоразбирање во сообраќајот. Се преземаат мерки за расчистување на случајот.
ПРИВЕДЕН ЗОШТО ЈА НАПАДНАЛ СОСЕТКАТА – На 23.08.2020 во 22.25 часот , полициски службеници од Полициската станица Бит Пазар го лишиле од слобода Т.С. поради тоа што физички ја нападнал соседката Ф.К.(75) и со тврд предмет и скршил прозорци од куќата. Тој бил приведен и задржан во полициска станица, а по целосно документирање на случајот против него ќе биде поднесен соодветен поднесок.
НАСИЛА ГО ЗЕМАЛ ВОНБРАЧНОТО БЕБЕ – На 23.08.2020 во 21.00 часот, 43-годишен маж од Скопје пријавил дека околу 20.30 часот во неговиот дом дошол О.Е., по што меѓу нив настанала расправија за едногодишното дете, кое О.Е. вонбрачно го има со 18-годишната ќерка на пријавителот. Според пријавеното, О.Е го земал бебето и заминал. Се преземаат мерки за расчистување на случајот.
ЕДНО ЛИЦЕ ПРОБОДЕН, А ДРУГО НАПАДНАТО ВО ЦЕНТАРОТ НА СКОПЈЕ – На 24.08.2020 во 03.24 часот во СВР Скопје, Н.Т.(30) од Скопје пријавил дека во трговски центар во Скопје три лица физички го нападнале и му нанеле убодна рана, а физички ја нападнале и Р.Ц.П.(30) од Скопје. Се преземаат мерки за расчистување на случајот.
БИЛ НАПАДНАТ ОД ТРИ ЛИЦА – На 23.08.2020 во 23.00 часот, С.Р.(47) од Скопје пријавил дека на крстосница од бул.„Гоце Делчев“ со бул.„Крсте Мисирков“ бил физички нападнат од три лица. Се работи на расчистување на случајот.
ЧЕТИРИ ЛИЦА ГО ПРЕТЕПАЛЕ ОБЕЗБЕДУВАЊЕТО ВО КАЗИНО – На 23.08.2020 во 08.00 часот, К.Ј.(22) од Скопје, пријавил дека истиот ден околу 04.00 часот во казино на ул.„Филип Втори“, додека бил на своето работно место како обезбедување, бил физички нападнат од четири лица. Се работи на расчистување на случајот.
ПРОНАЈДЕНО ЛИЦЕТО КОЕ БЕШЕ ИСЧЕЗНАТО – На 23.08.2020 во 08.00 часот било пријавено дека во с.Петровец, покрај автопатот Скопје-Велес, бил пронајден С.П.(84) од с.Петровец, за кој на 22.08.2020 било пријавено дека се оддалечил од домот. Тој бил со повреди на лицето и телото, по што бил пренесен во Комплексот клиники „Мајка Тереза“ за укажување на лекарска помош. Се преземаат мерки за расчистување на случајот.
НАСИЛНО ОГРАБЕН МАРКЕТ – На 24.08.2020 во 04.50 часот во СВР Скопје било пријавено дека во маркет на ул.„Кемал Сејфула“ неколку лица со употреба на сила влегле и одзеле метална каса со пари. Се работи на расчистување на случајот.
ПОЛИЦИЈАТА НЕ ПРОНАЈДЕ ЛИЦЕ БАРАНО СО ПОТЕРНИЦА – На 23.08.2020 во 06.40 часот, полициски службеници од Полициско одделение Матејче, презеле мерки за пронаоѓање на Ф.Ќ. во неговиот дом во с.Ваксинце бидејќи имало распишано потерница за негово апсење за издржување казна затвор. Тој не бил пронајден дома, но во помошните простории во неговиот дом, при преглед биле пронајдени 44 лица мигранти(25 од Пакистан, 14 од Авганистан, три од Бангладеш и две од Сомалија. 16 од пронајдените мигранти се малолетни лица. Бил извршен увид и за настанот бил известен и јавен обвинител, по чија наредба мигрантите се пренесени во Транзитниот центар „Винојуг“ – Гевгелија. Се преземаат мерки за расчистување на случајот.
БИЛ ВО АПТЕКА И ПОКРАЈ ЗАБРАНАТА ДА ИЗЛЕГУВА ОД ДОМА – ОВР Струга поднесе кривична пријава против Д.Д.(34) од струшкото село Лабуништа, со живеалиште во Струга, поради постоење основи на сомнение за сторено кривично дело „непостапување според здравствените прописи за време на епидемија“. Тој, на 23.04.2020, иако му било издадено решение од Државниот санитарен и здравствен инспекторат за изолација, бил забележан во аптека во Струга.
СО ПОМОШ НА КОМПЈУТЕР УКРАЛ 73.500 ДЕНАРИ – СВР Охрид поднесе кривична пријава против Ж.Р.(30) од Охрид поради постоење основи на сомнение за сторено кривично дело „оштетување и неовластено навлегување во компјутерски систем“. Тој, на 27.07.2020 одзел картичка, сопственост на Н.Р. од Скопје и на повеќе терминали во Охрид неовластено извршил 19 трансакции и на тој начин се стекнал со противправна имотна корист во износ од 73.500 денари.