🎥 ПРИКАЗНА ЗА „ДЕЦАТА НА СРАМОТ“ Суровата судбина на кинеските деца чии родители се осудени или погубени
Документарецот „Децата на срамот“, кој повторно привлече големо внимание по објавувањето во 2024 година, ја отвори потресната приказна за кинеските деца чии родители се осудени на смрт или издржуваат затворски казни. Што се случува денес со домовите во кои живеат овие деца?
Што се случува со детето кога неговиот родител ќе биде осуден на смрт? Во Кина постои група деца за кои казната на родителот не завршува со судската пресуда. Тие остануваат без семејство, често се отфрлени од роднините и соседите и растат со товарот на туѓото злосторство. Токму нивната приказна ја отвора документарецот „Children of Shame“, кој привлече големо внимание на интернет. Особено е тешка реченицата со која почнува филмот: „They are not adoptable“ – „Тие не можат да бидат посвоени“.
Пред две години документарецот „Децата на срамот“ ја отвори една од најпотресните и најмалку познатите приказни од Кина – приказната за децата чии родители биле осудени за тешки злосторства, а некои и на смртна казна.
Во кинеското општество децата често ја носат стигмата на злосторството што го направил нивниот родител. Кога родителот ќе заврши во затвор, а особено кога е осуден на смрт или погубен, децата можат да останат без дом, без пари и без човек што ќе преземе грижа за нив.
Токму за таквите деца биле создадени таканаречените Sun Village – „Сончеви села“, домови во кои децата можеле да живеат, да одат на училиште и да растат далеку од улицата и од стигмата што ја носи нивната семејна приказна.
Но, две години по документарецот, се поставува прашањето: што се случи со тие домови? Дали сè уште постојат?