ПРЕВЕЗУВАЛ МИГРАНТИ И УДРИЛ ВО ЅИД Потерата по шверцер довела до трагедија, 4 лица го загубиле животот, а меѓу нив и 14-годишно дете

Тешка сообраќајна несреќа се случила во утрово во месноста Брназ кај Сињ во која четири лица го загубиле животот, а меѓу нив и едно 14 годишно дете.

Поради несреќата сообраќајот на делницата Сињ-Сплит се одвива отежнато, па се молат возачите да користат алтернативни правци. Повеќе информации засега не се познати.

– Утрово околу 07:00 часот во градот Брнаже се случи сообраќајна незгода, приватно возило слета надвор од коловозот, а потоа удри во ѕид. Во возилото имало неколку лица. На местото на настанот починале четири лица, а останатите лица кои биле во возилото се пренесени за лекарска помош. Според првите информации загинатите најверојатно се мигранти – откри полицијата.

Хрватските медиуми пренесуваат дека до несреќата дошло при полициска потера на шверцер на мигранти. Бркотницата, како што пишуваат, се случила утринава пред 7 часот од Триље се до Брназ, а потоа приватен автомобил со полска регистрација удрил во ѕидот од семејна куќа.

Од полицијата потврдија дека во возилото имало вкупно девет лица.

Четири лица починале на местото на настанот, а останатите лица кои биле во возилото се пренесени во Клиничкиот болнички центар во Сплит за укажување лекарска помош. Меѓу загинатите има и 14-годишно дете.

Според информациите мажот кој возел е постар, а полицијата се обидела да го спречи кај Триље. Тој не застанал, туку „нагазил на гас“ и неколку минути бегал од полицајците кога со голема брзина влегол на раскрсницата и не можејќи да сврти удрил во ѕид.