ЌЕ ГО ДОЧЕКАМЕ ВЕЛИГДЕН СО КРИВАТА НОВОГОДИШНА ЕЛКА НА ПЛОШТАД? Плачевме за китење на Скопје, сега плачеме за раскитување!
Скопјани на социјалните мрежи споделуваат фотографии од кривата елка која беше хит и во медиумите од регионот и прашуваат кога градоначалничката Данела Арсовска ќе го раскити градот.
Новогодишната еуфорија сѐ уште може да се почуствува во Скопје, иако празниците веќе одамна завршија, градот сѐ уште е украсен и засега нема информации кога точно ќе биде раскитен.
Скопјани на социјалните мрежи споделуваат фотографии од кривата елка која беше хит и во медиумите од регионот и прашуваат кога градоначалничката Данела Арсовска ќе го раскити градот.
– Претходно немавме никакви информации за тоа кога ќе започне украсувањето на Град Скопје, а сега не знаеме ниту кога ќе биде раскитен градот. Можеби Арсовска ќе ни остави да ни биде украсено до Велигден?! – пишуваат скопјани.
Инаку, украсувањето во главниот град за кое градоначалничката Данела Арсовска тврдеше дека чини само 30.000 евра, беше причина Финансиска полиција да отвори предмет бидејќи ниту на веб-страната на Град Скопје, ниту на веб-страната на Јавни набавки нема отворен тендер за оваа намена.
Тоа беше реакција откако Арсовска во еден поткаст, каде што е редовен гостин, јавно се пофали дека Градот годинава за оваа намена потрошил 30.000 евра, наместо претходните години кога цифрата се движела помеѓу 90.000 и 245.000 евра.
Првата елка на плоштадот го привлече вниманието и на повеќе медиуми во регионот кои објавија за тоа дека граѓаните на Скопје не се задоволни.
„Несреќната“ елка стана позната токму поради тоа што изгледа прилично грдо за новогодишната ноќ – неугледна е и недовршена, се чини дека не е ни целосно украсена, а згора на сè е и искривена“, напиша српскиот портал Нова.