Повеќе од 30 дрвја се украдени покрај новоизградениот булевар во Бутел

Од Град Скопје информираат дека во изминативе денови се украдени повеќе од 30 дрвја покрај новоизградениот булевар Христијан Тодоровски Карпош во Бутел.

– Станува збор за садници кои се засадени во рамки на акцијата за садење над 15.000 листопадни и зимзелени садници, грмушки, перени и топијари оваа есен во Скопје – велат од Градот.

Како што соопштија од град Скопје, екипите на ЈП „Паркови и зеленило“ ја санирале штетата и посадиле нови дрвја на истата локација.

Оттаму велат дека ова е еден од честите случаи за оштетување и уништување на јавните добра во Градот, а истиот е пријавен во МВР.