Постои голем ризик роднини да помагаат при лекувањето во болница

Министерот Венко Филипче одговорајќи на новинарско прашање на барањата на членови на семејствата со заштитна опрема да се вклучат во помошта на пациентите во болниците при нивното лекување рече дека ова е патологија со која што мора да се биде многу повнимателни.

– Сепак ова е еден одреден ризик. Мобилизирани се сите медицински лица од сите болници и сите посветено работат на оваа патологија со ковид-19 пациенти. Кај нас има и историја наназад, обично семејствата биле во болниците со пациентите, не само со ковидот, туку и прехтодно, меѓутоа ова е патологија која што мора да бидеме малку повнимателни – изјави Филипче.