ПОСЛЕДНОТО ЗБОГУВАЊЕ СО ВЕДРАНА РУДАН ЌЕ БИДЕ ВО КРУГОТ НА НАЈБЛИСКИТЕ Семејството одлучи местото и времето на погребот да не бидат објавени
Последното збогување со Ведрана Рудан ќе биде организирано во најтесниот семеен круг, во согласност со нејзините желби. Семејството ќе ја почитува оваа желба, а поради нејзината желба за приватност, местото и времето на последното збогување нема да бидат објавени.
Заминувањето на Ведрана Рудан, која почина на 77-годишна возраст по долга и тешка болест, ја потресе јавноста. Бројни луѓе се простија од хрватската писателка и колумнистка, а како што дознава „Slobodna Dalmacija“, последното збогување на Рудан ќе биде во најтесниот круг на семејството. Тоа била нејзина желба, која семејството ќе ја испочитува.
– Ведрана отиде на подрачје без сигнал – беше објавено на денот на смртта на нејзината официјална страница на Фејсбук. Коментарите под објавата не беа овозможени. Станува збор за реченица која Рудан ја кажа гостувајќи кај Александар Станковиќ во емисијата „Nedjeljom u 2“ во март, кога отворено зборуваше за својата болест и за смртта.
– Сакам да кажам дека има многу луѓе кои ме сакаат и дека јас ги сакам нив. И дека сум бесмртна. Нека ја сфатат мојата смрт како заминување на подрачје без сигнал – рече Рудан на крајот од емисијата. Од таа причина, местото и времето на нејзиното последно испраќање нема да ѝ бидат познати на јавноста, бидејќи ќе биде организирано во семеен круг.
Во текот на борбата со болеста, најголема поддршка, покрај нејзините деца, ќерката Ајса и синот Славен, ѝ бил сопругот, адвокатот Љубиша Драгeљевиќ. Рудан во текот на животот отворено зборуваше за приватните теми, па и за своите бракови. Во првиот брак, кој траел 14 години и во кој ги добила децата, доживеала насилство.
Иако односот започнал со голема љубов, со текот на времето се претворил во тешко животно искуство за кое Рудан не молчеше. Таа отворено зборуваше за насилството во првиот брак и за обрасците на однесување што го одбележале тој период. Подоцна, додека сè уште беше во првиот брак, го запозна осум години помладиот адвокат Љубиша Драгeљевиќ и почна ново поглавје во животот, во Риека.
За сопругот Љубиша зборуваше дека ѝ донел мир и секогаш зборуваше со многу љубов. За своите деца во една пригода рече дека со нивното раѓање сфатила дека постои безусловна љубов.