ПОЛИЦАЕЦ ШМРКАЛ „КОКА“ ДОДЕКА ЈА ЧУВАЛ ВИЛА „БЕЛА“ Полициски службеник фатен со наркотици на работното место
Иако бил упатен на тестирање за присуство на наркотични средства, А.М. одбил да соработува и да се подложи на испитување во Институтот за судска медицина. Во меѓувреме, против него започната е дисциплинска постапка, а неговата суспензија од работното место е веќе донесена.
Полицискиот службеник А.М од Охрид е под истрага за неовластено производство и пуштање во промет на наркотични дроги, психотропни супстанции и прекурзори.
МВР, преку Одделот за внатрешна контрола, криминалистички истраги и професионални стандарди, поднесе кривична пријава против полицискиот службеник поради постоење основи на сомнение за сторено кривично дело.
Во текот на службените активности на А.М., кога бил ангажиран на обезбедување на вила Бела (поранешна вила Македонија), вработените од Одделот за внатрешна контрола извршиле претрес на неговата работна просторија. Во неа пронашле неколку предмети што укажуваат на можност за незаконско користење или продажба на наркотични материјали. Меѓу предметите на работната маса биле пронајдени метална лажица и хартиена салфетка со бела прашкаста материја, како и пластично шише со течност и импровизирана цевка.
Иако бил упатен на тестирање за присуство на наркотични средства, А.М. одбил да соработува и да се подложи на испитување во Институтот за судска медицина. Во меѓувреме, против него започната е дисциплинска постапка, а неговата суспензија од работното место е веќе донесена.