ПЕТ ВОЗИЛА ОПОЖАРЕНИ ПОД СКОПСКАТА ТВРДИНА Прво се запалила сува трева
Со брза интервенција на екипите, пожарот е локализиран и целосно изгаснат во 16:40 часот, информира командантот.
Пет возила се зафатени во пожар што попладнево избувнал на улицата „Лазар Личеноски“ под скопската тврдина, спроти Градскиот стадион, информираат од Противпожарната бригада на Град Скопје.
Од пожарот, три возила се делумно, а две целосно изгорени. Огнот бил гаснет со интервенција на три противпожарни возила и осум пожарникари.
Можеби ќе ве интересира
Командантот на Противпожарната бригада на Град Скопје Звонко Томески за МИА изјави дека пожарот бил пријавен во 15:40 часот, при што било пријавено дека гори сува трева, смет и паркирани автомобили.
– Со брза интервенција на екипите, пожарот е локализиран и целосно изгаснат во 16:40 часот, информира командантот.