📽️ ПЕКОЛ ВО ФАБРИКА ЗА ЕКСПЛОЗИВИ Огромен пожар и исчезнати работници по експлозија во Тенеси
Силна детонација ја разнесе фабриката „Accurate Energetic Systems“ во Тенеси, а потресот се почувствува километри околу. Спасувачките екипи се на терен и трагаат по најмалку 19 исчезнати лица.
Силна експлозија ја потресе фабриката за воени експлозиви „Accurate Energetic Systems“ во американската сојузна држава Тенеси, предизвикувајќи паника и голема штета во околината.
Според првичните информации, детонацијата се случила во близина на градот Бакнорт, околу 97 километри југозападно од Нешвил, главниот град на државата.
Очевидци изјавија дека експлозијата била толку силна што предизвикала потрес што се почувствувал на километри и дека облак од чад се издигал високо над фабриката.
– Беше како земјотрес, прозорците се затресоа, а небото се осветли во моментот на детонацијата – раскажа еден од жителите за локалните медиуми.
Una explosión arrasó una planta de fabricación de explosivos militares en una zona rural de Tennessee.
La explosión ocurrió en Accurate Energetic Systems, cerca de la localidad de Bucksnort, informó la Oficina del Sheriff del Condado de Hickman. Los servicios de emergencia aún… pic.twitter.com/izppQLwEad
— NMás (@nmas) October 10, 2025
Властите веднаш ги активирале службите за итни интервенции, кои преку социјалните мрежи апелирале до граѓаните да го избегнуваат подрачјето за да им се овозможи непречено работење на спасувачките екипи.
Медицинскиот техничар на округот Хикман, Дејвид Стјуарт, изјави дека засега нема потврдени информации за повредени, бидејќи екипите сè уште не можеле безбедно да пристапат до местото на несреќата.
– Работиме внимателно, бидејќи постои ризик од дополнителни експлозии. Ситуацијата е крајно опасна – изјави Стјуарт.
#Tennessee Explosion ⚠️Alert: A massive blast struck Accurate Energetic Systems, a military explosives plant near #Bucksnort, Tennessee. At least 19 people are missing, multiple fatalities suspected. Ongoing fires and secondary explosions limit emergency access; residents urged… pic.twitter.com/wtbW4ICLYD
— WATCHTOWER (@news_24_365) October 10, 2025
Неофицијално, најмалку 19 лица се водат како исчезнати, а се стравува дека има и загинати, јавуваат американските медиуми.
Властите моментално вршат проценка на ситуацијата и преземаат мерки за спречување на нови детонации, додека траат напорите за лоцирање на исчезнатите и извлекување на евентуално повредени лица.