ПАТУВАЊЕТО НА ТРАМП ВО САУДИСКА АРАБИЈА НЕМА ВРСКА СО ПУТИН Двајцата лидери засега нема да се сретнат
Рускиот претседател во моментов нема планови за таква средба. Ништо не е јасно утврдено, ниту датумот, ниту местото за евентуална средба меѓу Путин и Трамп. Продолжуваме да одржуваме контакти на различни нивоа и преку различни канали, посочи портпаролот на Кремљ, Дмитриј Песков.
Потенцијалното патување на претседателот на САД, Доналд Трамп, во Саудиска Арабија, кое би можело да се случи во следните неколку недели, нема никаква врска со рускиот претседател Владимир Путин, изјави денеска портпаролот на Кремљ, Дмитриј Песков.
– Во оваа фаза не е планирана средба меѓу двајцата лидери – рече Песков.
Пред 2 дена, Трамп рече дека можеби ќе ја посети Саудиска Арабија, што ќе биде негово прво патување во странство откако се врати во Белата куќа во јануари.
Во февруари, Трамп посочи дека најверојатно ќе се сретне со Владимир Путин во Саудиска Арабија, без да наведе конкретен датум. Оттогаш, Саудиска Арабија е домаќин и на разговори во врска со војната во Украина.
– Рускиот претседател во моментов нема планови за таква средба. Ништо не е јасно утврдено, ниту датумот, ниту местото за евентуална средба меѓу Путин и Трамп. Продолжуваме да одржуваме контакти на различни нивоа и преку различни канали – додаде Песков.
ЕВРОПА НЕ ГИ УКИНУВА САНКЦИИТЕ КОН РУСИЈА БИДЕЈЌИ НЕ САКА МИР Кремљ со критики по самитот во Париз