„ОВА ДОСЕГА СЕ НЕМА СЛУЧЕНО“ Спектакуларен прием за Ѓоковиќ на „Род Лејвер“ во Мелбурн (ВИДЕО)
Српскиот ас се појави во Род Лејвер Арената за прв пат по две години, откако минатата сезона беше депортиран од Австралија.
Најдобриот српски тенисер Новак Ѓоковиќ со повеќе од два часа задоцнување ја започна својата трка по десетата титула на Австралија Опен.
Српскиот ас во „Род Лејвер“ арената се среќава со Роберто Карбаљес Баена од Шпанија, а мечот доцнеше, најпрво поради паузата која организаторите ја дадоа поради жештините, а потоа и поради продолжението на мечот меѓу Онс Жабер и Тамара Зиданшек.
Новак Ѓоковиќ се појави во Род Лејвер Арената за прв пат по две години, откако минатата сезона беше депортиран од Австралија.
Деветкратниот победник на „Ози опен“ беше пречекан на спектакуларен начин од домашната публика во Мелбурн.
„Оле, оле, Ноле, Ноле“, скандираа трибините на арената Род Лејвер, пренесуваат српските медиуми.
Дури, како што велат домаќините, вакво нешто никогаш не се случило во Австралија.
„Тука никогаш немало вакви овации“, беа зборовите на импресионираните новинари на стадионот.
Listen to the noise 🙌
The 9x champion is back!@DjokerNole • #AusOpen • #AO2023 pic.twitter.com/4zVMHeK3sk
— #AusOpen (@AustralianOpen) January 17, 2023