ОСОМНИЧЕНИОТ АМБАСАДОР КУЧИ СЕ ВРАЌА ВО СКОПЈЕ Тој вели дека верува во правдата и нема што да крие
Дритон Кучи беше министер за економија од 18 јануари 2016 до 1 јуни 2017 година. тој го наследи Беким Незирии му беше претходник на Крешник Бектеши.
Верувам во правдата за општото добро. Со првиот лет ќе бидам во Скопје – не за да се оправдам, туку за да потврдам дека транспарентноста и довербата се единствениот пат напред, напиша амбасадорот во Норвешка Дритон Кучи, по информацијата дека е еден од осомничените за трагедијата во Кочани.
Тој во постот на Фејсбук вели дека денеска семејството го информирало дека претставници на Министерството за внатрешни работи биле во мојот дом и го барале за информативен разговор.
„Немам што да кријам и секогаш сум одлучувал да постапувам со чесност и смиреност, дури и кога околностите биле тешки.
Секогаш сум избирал да одам по прав пат, дури и кога тој бил најтежок. Зборував кога другите молчеа, и стоев исправен дури и кога се чувствував сам.
Верувам во правдата за општото добро. Со првиот лет ќе бидам во Скопје – не за да се оправдам, туку за да потврдам дека транспарентноста и довербата се единствениот пат напред.
Тука сум. Со мирна совест, чист пред себе, со непоколеблива волја – пред Бога и пред законите на државата!“, пишува Кучи.
Дритон Кучи беше министер за економија од 18 јануари 2016 до 1 јуни 2017 година. тој го наследи Беким Незирии му беше претходник на Крешник Бектеши.