ОСМАНИ ЌЕ БАРА ДА СЕ ФИЛТРИРААТ ЛИЧНОСТИТЕ Меѓунариоден борд да ги „сертифицира“ функционерите
Меѓународен борд кој ќе ги филтрира личностите кои се занимаваат со политиката во Македонија, ќе биде најважните приоритети на „европскиот претседател“, рече на денешната прес-конференција претседателскиот кандидат, Бујар Османи.
Според него, задачата на тој борд – составен од претставници од САД, ЕУ и НАТО во координација со институциите во земјата – ќе биде да направат пре-сертифицирање на сите носители на јавни функции и тоа во две насоки: дали имаат некаква поврзаност со руските интереси и дали се вмешани во каква било форма на корупција.
Можеби ќе ве интересира
– Идејата на овој борд е да ги искористиме инструментите кои веќе постојат, но кои работат одделно, да ги вградиме во меѓународен борд, каде што ќе бидат дел и нашите институции, американскиот инструмент на објавување листи, потоа рестриктивните инструменти на ЕУ и процесот на сертификација на НАТО. На овој начин секој што ќе биде предложен или ќе има амбиции за која било јавна функција, прво ќе треба да го добие овој сертификат од овој меѓународен борд, од овие институции, а доколку може да ги помине филтрите што ги наметнуваат овие институции тогаш ќе може да стане министер, ќе може да стане директор, судија или обвинител – нагласи Османи.