„ОПЕЛ“ ВОВЕДЕ ЧАТ ГПТ ВО СВОИТЕ МОДЕЛИ Меѓународно жири од експерти ги награди брендовите на Stellantis

Opel и другите брендови на Stellantis jа добија наградата „SMARTBEST 2025“ од меѓународното жири на AUTOBEST за воведување на ChatGPT1 во нивните модели. Оваа награда ја доделуваат новинарите од повеќе од 30 земји како признание за иновативните решенија за конективност во возилата.

Корисниците на повеќето патнички автомобили и LCV возила на Opel ќе можат да го повикаaт ChatGPT1 со кажување „Hey Opel”. Компанијата вели дека со овој чекор „ги прави најдобрите технологии достапни и прифатливи за сите“.

– Ние сме возбудени што ја добивме оваа награда – изјави Ванеса Реп, потпретседателка на Одделот за идни решенија и производи во Opel и во Vauxhall.

Таа вели дека гласот на независните новинари за Opel покажува дека компанијата нуди возила со иновативни технологии кои „го прават возењето поудобно, а истовремено ги прават достапни за потрошувачите“.

– Ова се однесува на локално електрични погонски системи без емисии, како и на интелигентните решенија за конективност како што е ChatGPT1 – истакнува Ванеса Реп.

Од Opel порачуваат дека со ChatGPT1, возачите и патниците на Opel „имаат пристап до широк спектар информации од долга листа на теми вклучувајќи наука, биологија, исхрана, поп култура, музика и многу други“.

Компанијата вели дека „вo комбинација со навигацискиот систем, едноставната команда „Hey Opel“ е доволна за да се користи природното препознавање на говорот“ и дека ова „сега стана уште поатрактивно благодарение на додавањето на ChatGPT1“.

Новост е што системот може да научи самостојно да предлага дестинации и насоки за патување базирани на навиките на поврзаниот профил на возачот.

Opel моментално го воведува ChatGPT1 во новиот Opel Mokka, како и во многу други модели како што се новиот Opel Grandland, Opel Corsa, Opel Astra, Opel Astra Sports Tourer, Opel Combo и Opel Zafira.

Покрај тоа, Opel Combo и Opel Vivaro лесните комерцијални возила исто така се достапни со вештачката интелигенција чатбот.