Нови сведоштва од експлозијата во Леверкузен: Кожата ме пржеше, прозорците се тресеа (ВИДЕО)

Многу сме исплашени, се тресеа прозорците на куќите, а топлиот бран ни ја пржеше кожата, раскажуваат жителите на германскиот град Леверкузен кои живеат во близина на фабриката за отпад каде што се случи силна експлозија.

Црни облаци на небото биле видливи и во околните градови, а луѓето почнале да споделуваат снимки и фотографии на социјалните мрежи.

#BREAKING: Emergency services responding to large explosion at chemical plant in Leverkusen, Germanypic.twitter.com/4cILPlciQ8

— I.E.N. (@BreakingIEN) July 27, 2021

„Кај нас во Вајсдорф видов голем облак од чад и сите се исплашивме“, напишал жител на Вајсдорф.

Друга жена, пак, загрижена е за својот син кој работи во Леверкузен.

„Се плашам, за син ми. Прво поплави, а сега ова. Не ми е јасно зошто нам ни се случуваат вакви работи“, напишала загрижената мајка.

Полицијата ги затвори сите влезови и излези од Леверкузен, а властите ги замолија граѓаните да не ја оптеретуваат полицијата, брзата помош и пожарникарите со цел поголем број на екипи да бидат испратени кон ова подрачје.

Како што пренесуваат од противпожарната единица, причината за експлозијата сѐ уште не е познат. Нивните екипи се на терен и се обидуваат да го локализираат пожарот.

Според зборовите на локалната полиција, повредени се неколку лица, две се во тешка состојба, а петмина работници се водат за исчезнати.

Fliegt in Leverkusen erst Mal die Verbrennungsanlage in die Luft…. Explosion hat man wohl bis nach Köln gehört 💥 pic.twitter.com/4Z4O2TuoGU

— Der Kai 🖖 (@Kai3k) July 27, 2021