НОВАК ЃОКОВИЌ ОДГОВОРИ КОГА ЌЕ СЕ ПЕНЗИОНИРА Додека ги шутирам рано е, кога ќе почнат да ме шутираат ќе размислам
Можеби тој моментот ќе биде поблиску кога ќе престанам да освојува грен-слем турнири и кога нема да можам да бидам меѓу главните кандидати за големи титули. Но, засега сè е во ред – истакнува Новак Ѓоковиќ.
Најдобриот светски тенисер Новак Ѓоковиќ се појави на насловната страница на познатиот магазин „Спорт Илустрејтед“. Американците ги интересирало кога планира да ја заврши кариерата и дали веќе се ближи тој момент, а 37-годишниот тенисер им одговорил дека сè уште не ги гледа првите знаци кои ќе го натераат да размислува за тениска пензија.
– Можеби тој моментот ќе биде поблиску кога ќе престанам да освојува грен-слем турнири и кога нема да можам да бидам меѓу главните кандидати за големи титули. Кога младите момци ќе почнат да ме шутираат, тогаш веројатно ќе почнам да размислувам и да се прашувам дали да продолжам. Но, засега сè е во ред – истакнува Новак Ѓоковиќ.
Во интервјуто за реномираниот спортски магазин, првиот светски рекет се осврнува на тешките, но и на добрите моменти, а особено е впечатливо како го коментира поразот на Вимблдон од Карлос Алкараз.
– Тоа толку ме налути што морав да дојдам и да ги победам сите на американско тло, што и го направив – самоуверено вели српскиот тенисер.
Novak Djokovic is the last GOAT standing.
Tennis’s who’s-the-greatest debate is over: It’s @DjokerNole and everyone else, @jon_wertheim writes https://t.co/0z8MQq6QL3 pic.twitter.com/nFjmWUwxrf
— Sports Illustrated (@SInow) February 22, 2024
– Сега чувствувам повеќе љубов кога е во прашање публиката, чувствувам дека повеќе ме ценат и почитуваат, а можеби тоа е затоа што Федерер и Надал ги нема – додаде Новак.
За Ѓоковиќ следен предизвик ќе биде американската турнеја во Индијан Велс и во Мајами, каде целите како што вели ќе бидат највисоки како и секогаш, сега во дуел со играчите од новата генерација кои грабат со големи чекори напред. По освојувањето на Австралија опен, Јаник Синер е во страшна форма, додавајќи ја на тоа титулата во Ротердам и стана третиот тенисер на планетата. Се очекува токму младиот Италијанец кој на почетокот од годинава во Австралија веќе го исфрли од игра, и во САД да му биде најтешката пречка на Новак Ѓоковиќ.