НОСЕЊЕ МАСКА ВО УЧИЛИШТЕ Секогаш кога детето е во близок контакт со другарчињата!
Децата треба да ги носат маските сѐ додека стигнат во школото и до нивната клупа во училницата, советува познатиот епидемиолог. Потоа часот почнува, а ако детето сака да праша нешто, да зборува со другарчињата или ако биде повикано на табла за да го испрашаат треба повторно да ја стави маската. Ова нема да биде проблем со пониските одделенија, но кај средношколците ќе се јави отпор, смета епидемиологот д-р Предраг Кон, член на Кризниот штаб за корона во Србија.
Први септември доаѓа за два дена, а родителите во Македонија, и во цел свет, се подготвуваат за новите предизвици на наставата со физичко присуство. Ќе треба ли цело време да се носат маски ако децата седат раздалечени на посебни клупи?
Според д-р Предраг Кон, епидемиолог од Србија, секогаш кога децата се во близок контакт со другарчињата или кога зборуваат треба да бидат заштитени со маска, а исклучок би било само тогаш кога детето на својата клупа ја следи наставата, истражува статија на Нова.
Но, не само во училиште. Децата треба да ги носат маските сѐ додека стигнат во школото и до нивната клупа во училницата, советува познатиот епидемиолог. Потоа часот почнува, а ако детето сака да праша нешто или биде повикано на табла за да го испрашаат треба повторно да ја стави маската.
– Во нивната клупа, додека разговараат со своите пријатели, тие носат и маски. Во моментот кога ќе започне часот и детето молчи, може да ја симне маската и да ја стави. Кога ќе го повикаат да одговори или кога тој сака да разговара со некого, мора да стави маска – изјави Кон за ТВ „Хепи“, наведувајќи дека зборува за ситуација кога нема вирус во ниедно одделение.
Ѕвончето ѕвони и часот завршува. Ученикот „става маска во моментот кога часот завршува и кога станува од столот“, објаснува д-р Кон.
– Кога е на школски распуст во отворен двор, (децата) може да бидат без маска, но мора да внимаваат да не бидат многу стегнати. Ако се блиску еден до друг, треба да носат маски додека зборуваат – рече Кон, наведувајќи дека ќе треба да се види дали тоа се почитува.
Д-р Предраг Кон во моментот е член на Кризниот штаб за борба против короната во Србија. Тој смета дека во врска со маските нема да има проблеми со учениците во пониските одделенија, тие дури и ќе ги предупредуваат своите другарчиња да носат маска. За разлика од нив, кај средношколците, многу лесно ќе дојде до „ ајде веќе симни ја таа маска“, особено „кога ќе се создаде атмосфера “.
„Антимаскерите“, како што ги нарекува д-р Кон, треба да знаат дека маските штитат токму од тие мали капки кои се пренесуваат во воздухот додека зборуваме со некого. Уште повеќе, нема да биде доволно ако едниот од говорниците носи маска, туку за целосна заштита маската треба да ја носат и двајцата.