НЕВРЕМЕТО ЈА ОПУСТОШИ ЕВРОПА Најамлку девет загинати, непроценета штета (ВИДЕО)

Најмалку девет лица загинаа, многумина од паднати дрвја, во невремето што ги погоди Ирска, Велика Британија, Белгија и Холандија, додека околу 400.000 во Британија останаа без електрична енергија.

Тимови во Западна Европа денеска ги отстрануваа паднатите дрвја и работат на враќање на електричната енергија по една од најразорните бури во последните години.

Британските и ирските метеоролошки служби бурата ја нарекоа Јунис, а германските бурата што вчера го зафати регионот ја нарекоа Зејнеп и е втора голема бура за една недела.

Ветерот урна црковна кула во Велс на југозападна Англија, откорна делови од куполниот покрив на лондонската О2 Арена, собори дрвја и оштети згради во неколку земји.

Налети на ветер од 196 километри на час беа забележани вчера во одредени моменти на островот Вајт. Доколку биде потврдено, ова ќе биде најголемата брзина на ветер некогаш забележана во Англија.

 

These people get blown over by the wind as Storm Eunice batters people to the ground in Croydon, South London.#StormEunice pic.twitter.com/ZUM63K93Ae

— talkRADIO (@talkRADIO) February 18, 2022

Британската национална железничка асоцијација соопшти дека железничките линии во повеќето делови на земјата се сè уште блокирани и така ќе останат во текот на денот.

Метеоролошката служба соопшти дека денеска посилен ветер ќе ги зафати јужните брегови на Англија и Велс, а можни се дополнителни штети, додека снегот и мразот може да предизвикаат нарушувања во северните делови.

 

The roof of Tottenham Hotspur Stadium gets its first real test against the winds of #StormEunice 😳

🎥 @PGMcNamara pic.twitter.com/yYF61antnH

— The Athletic (@TheAthletic) February 18, 2022