📽️ НЕРЕДИ ВО АТИНА, УАПСЕНИ СЕ 70 ЛИЦА Непознати лица запалија возила и мотоцикл

Во текот на ноќта избувнаа немири во атинската населба Ексархија, откако непознати лица фрлаа молотови коктели, пиротехнички средства и камења кон полициска станица во квартот.

Запалени се неколку паркирани автомобили и мотоцикли. Интервентната полиција која пристигна на местото на инцидентот употреби солзавец за да ги растера учесниците во нападот.

Според грчката телевизија EPTNews, која се повикува на безбедносни извори, уапсени се повеќе од 70 лица. Брзата помош соопшти дека едно лице е полесно повредено.

Από τα επεισόδια που έγιναν στα Εξαρχεια τα μεσάνυχτα, όπου αναρχικοί πέταξαν μολότοφ σε αστυνομικές δυνάμεις, τυλίχτηκαν στις φλόγες 11 αυτοκίνητα, μία μηχανή, ένα ισόγειο διαμέρισμα, ένα κατάστημα και δεκάδες κάδοι. Τσάκισμα των αναρχικών παράσιτων εχθές! Είναι εγκληματίες! pic.twitter.com/AD5omccuYy

— Nic Dam (@NicDam4) April 13, 2025

Очевидци изјавиле дека нередите започнале по музички настан во парк во оваа населба. Околу полноќ, група од околу 50 лица ја напуштиле манифестацијата и започнала напад на блиската полициска станица. Насилството брзо се проширило и на соседните улици.

Новинарите од терен јавуваат дека до изутринава ситуацијата се смирила. Полицијата се сомнева дека немирите можеби биле протест поврзан со железничката несреќа од пред околу две години, во која загинаа 57 лица.

Во петокот беше извршен и бомбашки напад од страна на непознати лица врз седиштето на компанијата „Hellenic Train“, главниот железнички оператор во Грција. Во нападот нема повредени, а истрагата е сè уште во тек.

Семејствата на жртвите, како и дел од политичките партии, ја обвинуваат железничката компанија и конзервативната влада за занемарување на железничкиот систем.