🎥 НЕКОЛКУ ЧАСА СЕ ЧЕКА ЗА ВЛЕЗ НА СТАДИОНОТ ВО ЊУ ЏЕРСИ Строги контроли, тесни грла и нервоза пред финалето
Бројни медиумски куќи изразија остар протест поради изгубеното време, нагласувајќи дека поради тричасовното чекање многумина доцнеле со вклучувањата во живо и со испраќањето на првите материјали.
Неколку часа пред финалето на Светското првенство меѓу Шпанија и Аргентина, на стадионот „МетЛајф“ во Њу Џерси се создаваат огромни метежи. Навивачите чекаат за влез и по неколку часа поради исклучително строгите безбедносни проверки, кои предизвикаа застои и долги редови на приодите кон стадионот. Безбедносните проверки за првпат на ова првенство ги спроведува американската полиција.
Причината за ваквата одлука е присуството на бројни високи функционери кои ќе го следат финалето, меѓу кои е и американскиот претседател Доналд Трамп. Поради тоа, контролите се значително подетални и се спроведуваат по процедура слична на онаа на аеродромите – се прегледуваат торбите, сите минуваат низ детектори за метал и мора да ги испразнат џебовите.
🧐 Largas colas para entrar, exhaustivos controles policiales y los preparativos en las gradas del MetLife Stadium
📹 @criscubero pic.twitter.com/tqyAWG870Z
— Mundo Deportivo (@mundodeportivo) July 19, 2026
Заедничките влезови создаваат дополнителен метеж
Проблемот дополнително го отежнува фактот што истите влезови ги користат и навивачите и сите акредитирани лица – од новинари и волонтери до вработени, изведувачи и угостителски персонал. Поради тоа, на некои места за влез во стадионот се чека и повеќе од два и пол часа.
Како што пренесува шпанскиот спортски весник „АС“, организациската структура задолжена за прием на медиумските работници била целосно преоптоварена. Според нивните наводи, во огромната колона пред стадионот се нашле повеќе од 2.000 новинари. Поради бавноста на протоколот и метежот на влезовите, за влез на стадионот се чекало дури три часа, што е досега незапаметен инцидент пред еден натпревар од вакви размери.
Шпанските известувачи од лице место ја опишаа ситуацијата како „вистинска ноќна мора“ и инцидент каков што досега не е виден во историјата на завршниците на светските првенства. Новинарот Фернандо Таверо објави на платформата Х дека метежот бил толку голем што биле потребни повеќе од пет минути само за да се препешачи целата должина на редот во кој стоеле акредитираните новинари.
Новинар на весникот „Мајами Хералд“ објави на социјалните мрежи дека се наоѓа во редот за безбедносна проверка уште од осум часот наутро по локално време, иако натпреварот започнува дури во 15 часот по локално време.
Во меѓувреме, на социјалните мрежи се појавија бројни снимки и фотографии од огромни колони пред стадионот, додека шпанските медиуми наведуваат дека четири часа пред почетокот на финалето биле формирани километарски редови.
Организациски пропусти на „МетЛајф“
Финалето на Светското првенство меѓу Шпанија и Аргентина се очекува да го следат во живо повеќе од 80.000 гледачи.
😱 ¡Más de 2.000 periodistas y 3 horas de cola para entrar en el estadio: lo nunca visto antes de la final!#NuestroMejorMundial #NuestroMejorMundialAS @guillecasquero @as_tv pic.twitter.com/jWzhzO781z
— Diario AS (@diarioas) July 19, 2026
Огромниот интерес за финалниот дуел меѓу Шпанија и Аргентина ги доведе безбедносните и логистичките протоколи на стадионот „МетЛајф“ до самите граници на издржливост. Иако за најголемиот натпревар на турнирот беа најавувани ригорозни и брзи контроли, метежот на новинарските влезови создаде тесно грло кое сериозно го загрози претнатпреварот и подготовката на известувачите.
🚨 ⚽️ 🇦🇷 🇪🇸 10 am update from World Cup security line for accredited media, halftime perforners, etc… Have been here since 8 am. Kickofff 3 pm. Wish me luck! @MiamiHerald @HeraldSports #Argentina #Spain pic.twitter.com/0DyA8HQAme
— Michelle Kaufman (@kaufsports) July 19, 2026