НЕ МОЖЕ НЕКОЛКУ КОРУМПИРАНИ ЛУЃЕ ДА ЈА ДИКТИРААТ СУДБИНАТА НА ЦЕЛИОТ АЛБАНСКИ НАРОД Вреди посочува дека на ДУИ ѝ треба кадровски ремонт
Со своите инсталации низ секоја институција, ДУИ има една мисија: прикривање на криминалите и на поделбите во своите редови, но лагите на оваа партија пукаат како меур од сапуница, посочува партијата Вреди.
„Деновиве дознавме зошто ДУИ е во паника и со параноично однесување сака да предизвика дестабилизација. ДУИ тргна по надолна линија и стои на стаклени нозе. Тие се обидуваат да
ја искористат дестабилизацијата како димна завеса за да ја замаглат состојбата во нивната партија“.
Ова го соопшти партијата Вреди.
„Со своите инсталации низ секоја институција, оваа партија има една мисија: прикривање на криминалите и на поделбите во своите редови. Лагите на ДУИ пукаат како меур од сапуница. Вистината секогаш излегува на виделина, па поранешниот функционер на ДУИ, Азем Авдиу, ја откри големата вистина која Вреди ја кажува долго време. На ДУИ ѝ треба кадровски и програмски ремонт“, се наведува во соопштението.
Не може за една група луѓе, кои станаа милионери, се вели во соопштението, да страда целиот албански народ и судбината на народот да биде диктирана од неколку корумпирани луѓе. Не може да страда целиот албански народ, се посочува во соопштението, заради Соравија на Дрин Ахмети.
„Собата 161 им стана кошмар, во треска се да не се појават СМС пораките во јавноста како доказ за нечесните понуди што ги имаа да влезат во Влада на местото на Вреди со половина министерства, без спикерот на Собранието и со ветување за поддршка на терен да се изберат Македонци за градоначалници, на општините Струга и Кичево, на локалните избори во
2025 година. Оперативна алатка на Вреди се соработката и поддршката, а на ДУИ –
условувањето и заплашувањето. Вреди има потреба од конструктивна опозиција!“, соопшти партијата.