МУЦУНСКИ ГО ВРАЌА ГЕНЕРАЛНИОТ КОНЗУЛ ОД ЊУЈОРК, КАДАРОТ НА ГРУБИ И НА ОСМАНИ За Мухаби Синани авантурата заврши
Дали со незаконското испраќање на Синани во Њујорк е сторено кривично дело?
На предлог на министерот за надворешни работи, Тимчо Муцунски, Владата денес донела одлука за враќање на Мухаби Синани од позицијата Генерален конзул на државата во Њујорк, кој на оваа позиција беше испратен само неколку месеци пред парламентарните избори годинава.
Станува збор за кадар близок на Бујар Османи, кој на негов предлог и спротивно на законите прописи, само неколку месеци пред изборите, со потпис на Артан Груби, кој тогаш претседавал со владината седница, се упатува на дипломатска мисија – како Генерален конзул во македонскиот конзулат во Њујорк.
За потсетување, Диппломатскиот синдикат најостро реагираше бидејќи Синани не ги исполнува условите да биде упатен како Генерален конзул од редот на професионални дипломати, согласно член 35а од Законот за надворешни работи.
Во тоа време, тогашниот министер Бујар Османи тврдеше дека таква одредба не постои во Законот, бидејќи наводно истата била избришана.
Тука се поставува прашањето, дали со испраќањето на Синани на позиција за која тој не ги исполнувал потребните услови, е кривично дело направено од тогашниот министер за надворешни работи Бујар Османи и од тогашниот втор човек на владата, вицепремиерот, Артан Груби, кој ја потпишал одлуката за негово испраќање во Њујорк.