МИЦКОСКИ НА СРЕДБА СО КОАЛИЦИСКИТЕ ПАРТНЕРИ Малите партии дадоа поддршка на протестот во сабота
Пораката која власта одамна одбива да ја прими е дека е премногу, и дека мора да се распишат предвремени парламентарни избори, за на чело на државата да застане политичка коалиција која ќе ја извади Македонија од кризите во кои СДСМ и ДУИ не втурнале, велат од партијата.
Претседателот на ВМРО-ДПМНЕ, Христијан Мицкоски се сретна со претседателите на партиите дел од Коалицијата „Обнова на Македонија“.
Како што соопшти партијата, претседателите биле едногласни дека со секој поминат ден со СДСМ и ДУИ народот живее сѐ полошо, а криминалот е секојдневие.
– Премногу е од оваа власта, е генералниот заклучок од средбата, констатација која што велат не е само нивен став, туку и на стотици илјади граѓани низ државата. Претседателите на политичките партии дел од Коалицијата за Обнова на Македонија дадоа поддршка за протестот во сабота на 18-ти јуни, и сите политички партии учествуваат во негова подготовка и се поголема масовност на истиот. Пораката која власта одамна одбива да ја прими е дека е премногу, и дека мора да се распишат предвремени парламентарни избори, за на чело на државата да застане политичка коалиција која ќе ја извади Македонија од кризите во кои СДСМ и ДУИ не втурнале – велат од партијата.